Gerður Ísberg (1921-2007) Sunnuhvoli Blönduósi

• Gerður Ólöf Ísberg (1921-2007)

Gerður Ólöf Ísberg fæddist í Möðrufelli í Eyjafirði 20. mars 1921. Hún andaðist á dvalar- og hjúkrunarheimilinu Grund 19. febrúar 2007. Gerður fluttist með foreldrum sínum og systkinum að Litla-Hvammi árið 1931. Ári síðar fluttust þau frá Eyjafirði til Blönduóss.
Útför Gerðar verður gerð frá Fossvogskirkju í dag og hefst athöfnin klukkan 15.

Möðrufell í Eyjafirði: Sunnuhvoll Blönduósi:

Að skyldunámi loknu stundaði Gerður nám í unglingaskóla og síðar á ýmsum námskeiðum.

Framan af ævi stundaði hún ýmis skrifstofustörf. Fyrst vann hún á sýsluskrifstofunni á Blönduósi og síðast í Framkvæmdabankanum frá stofnun hans 1953. Á fimmta áratugnum vann hún í sendiráði Íslands í Stokkhólmi tvisvar sinnum í fjarveru vinkonu sinnar. Hún gerðist félagi í Reykjavíkurdeild Rauða kross Íslands, kvennadeildinni. Í tugi ára sinnti hún sjálfboðastörfum á vegum kvennadeildarinnar, lengst í verslunum hennar á Landakotsspítala, Borgarspítala og Grensásdeild.

Foreldrar hennar voru hjónin Árnína Jónsdóttir Ísberg, f. 1898, d. 1941, og Guðbrandur Ísberg, síðar sýslumaður Húnvetninga og þingmaður Akureyringa, f. 1893, d. 1984. Gerður var elst níu systkina en hin voru:
1) Guðrún, f. 1922, d. 2005, gift Þórði Gunnarssyni, þau eiga tvö börn,
2) Jón, síðar sýslumaður f. 1924, kvæntur Þórhildi Guðjónsdóttur, þau eiga sex börn,
3) Ari lögfræðingur, f. 1925, d. 1999, kvæntur Halldóru Kolka og eiga þau þrjá syni,
4) Ásta, f. 1927, Nína, f. 1929,
5) Ævar viðskiptafræðingur, f. 1931, d. 1999, kvæntur Vilborgu Bremnes, þau eiga sjö börn,
6) Sigríður, f. 1936, dáin sama ár,
7) Arngrímur kennari, f. 1937, kvæntur Bergljótu Thoroddsen, þau eiga tvö börn.

Hinn 13. apríl 1957 giftist Gerður Jóhannesi Ólafi Halldórssyni f. 15. apríl 1917 - 13. janúar 2012 Var á Litlu-Skógum í Stafholtssókn, Mýr. 1930. Kennari og cand. mag., fulltrúa og síðar deildarstjóra í skrifstofu Alþingis.

GPJ 26.8.2017

• Icelandic

®GPJ ættfræði https://www.mbl.is/greinasafn/grein/1133019/?item_num=0&searchid=ae9002af3f3e498580dac595997a77f0d9d5ebb7