Fyrirtæki/stofnun

Böðvarsholt í Staðarsveit á Snæfellsnesi

(1000)

Böðvarsholt (th) 16 hundruð að dýrleika 1850. Jörðin var eign Helgafellsklausturs gegn próventu en seldi hana strax aftur en hélt reka. Bréfahirðingar voru þar og jafnframt gististaður
Nýbýli úr jörðinni er Hlíðarholt.

Bærinn liggur milli Hólkots og Bláfeldarlands að austan, en Kálfárvalla að vestan. Bærinn stendur ofan til í miðju túni. Dys er í túninu, er heitir Grýluþúfa - ummæli er á að ekki megi slá hana. Vestan við túnið er Lækjarlág og vestan við hana Hjallholt. Niður úr Lækjarlág koma Lambatungusíki og niður úr því Jarðbrúarlækur, er mynda Svertingsársíki. Austur af því er Skjónalækur. Neðarlega í flóanum, austan við Skjónalæk, eru tvær þúfur, sem heita Ögmunarþúfur. Austur af bænum er Lambatungulækur og þar austur af Rauðslækur. Allir þessir lækir koma undan Böðvarsholtshlíð, sem liggur fyrir ofan tún og engjar. Austast í hlíðinni er svo kallað Stórgrýti austur undir Veðurá. Vestar, upp undan bænum, er Skriðusporður og vestur af honum Háibali, er ræður merkjum milli Böðvarsholts og Kálfárvalla að ofan, en Svertingsá að neðan. Klettabelti er upp undan hlíðinni er heita Böðvarsholtsklettar. Í þeim vestarlega er Banastallur í Hellissnoppum, þær skaga lengst niður í hlíðina. Upp af klettunum tekur við fjalllendi, Kambur o.fl. (sjá við Hólkot).

IS HAH

Loka

Fullt

26.3.2023

• íslenska

Guðmundur Paul
Árnastofnun. https://nafnid.arnastofnun.is/media/uploads/3700%20Sn%C3%A6fells-%20og%20Hnappadalss%C3%BDsla/3704%20Sta%C3%B0arsveit/PDF/B%C3%B6%C3%B0varsholt.%20%C3%9Eorleifur%20J%C3%B3hannesson%20(merkt).pdf
Lesbók mbl 25.9.1960. https://timarit.is/page/3286324?iabr=on