Björn Blöndal Kristjánsson fæddist á Brúsastöðum í Vatnsdal, Austur-Húnavatnssýslu, 10. nóvember 1916. Hann lést á Héraðshælinu á Blönduósi fimmtudaginn 18. júlí 1996.
Björn byggði hús á Hólabraut 5, Blönduósi, sem þau hjónin fluttu í árið 1966 og bjuggu í síðan.
Björn var lengst af heilsuhraustur, en fékk þó atvinnusjúkdóm sem olli að hann gat ekki stundað búskap, sem var ein ástæðan til þess að hann hóf kennslu á ný eftir nokkurra ára hlé. Hann kenndi vorið 1995 sjúkdómsins, sem að lokum varð honum að fjörtjóni. María lifir mann sinn. Útför Björns fór fram frá Blönduóskirkju 30. júlí 1996.

Veturinn 1938­-1939 var hann farkennari í Svínavatns- og Torfalækjarhreppi, en stundakennari við Miðbæjarskólann í Reykjavík 1939­-1941 og Gagnfræðaskóla Austurbæjar 1940­1941. Björn hóf kennslu á ný með búskapnum árið 1955 og var farkennari í Torfalækjar- og Sveinsstaðahreppi til ársins 1962, eftir það í Barnaskólanum, síðar Grunnskólanum, á Blönduósi, til ársins 1983. Þá hætti hann kennslu, en vann um sumur hjá Vegagerðinni á Blönduósi 1984 til 1989, en stundaði meðfram söðlasmíði, leðuriðju og smíðar.

Hann var sonur hjónanna Margrétar Björnsdóttur, Benediktssonar Blöndal, Hvammi í Vatnsdal og Kristjáns Sigurðssonar, kennara, Pálssonar frá Pálsgerði, S-Þing., sem þar buggu um langt skeið. Auk Björns áttu þau hjónin tvær dætur,
1) Ingibjörg
2) Gróa
Björn kvæntist Maríu Sigurlaugu Þóru Jónsdóttur árið 1941, en hún er dóttir Jóns Benediktssonar bónda á Húnsstöðum og konu hans, Sigurbjargar Gísladóttur. Björn og María stofnuðu heimili í Reykjavík en fluttu árið 1944 norður og stunduðu búskap á Húnsstöðum á móti Jóni allt til 1963. Björn og María eignuðust þrjú börn.
1) Sigurbjörg Margrét, fædd í Reykjavík 26. apríl 1942. Hún er hjúkrunarfræðingur og hefur búið í Svíþjóð frá 1966.
2) Gréta Kristín, fædd 28. júlí 1943, kennari við Húnavallaskóla, býr á Húnsstöðum.
3) Jón Benedikt, fæddur 20. mars 1947, framkvæmdastjóri menningar-, uppeldis- og félagsmála hjá Reykjavíkurborg.
Þá hafa þau hjónin eignast sex barnabörn og þrjú barnabarnabörn.