Person

Auðunn Bragi Sveinsson (1923-2013) frá Selhaga

26.12.1923 - 2.1.2013

Auðunn Bragi fæddist 26.12. 1923 í Selhaga, Bólstaðarhlíðarhreppi í Austur-Húnavatnssýslu. Hann lést 2. janúar síðastliðinn, 89 ára að aldri, en hann dvaldi á heimili sínu að Hjarðarhaga 28 allt að því til síðasta dags.
Útför Auðuns Braga hefur farið fram.

Sneis og Refsstaðir á Laxárdal fremri, Vindhæli A-Hún. Reykjavík

Auðunn stundaði nám í dönsku, ensku og þjóðfélagsfræði við Kennaraskóla Íslands 1969 til 1970. Sama vetur lauk hann prófi í fyrsta stigi í bókasafnsfræði við H.Í. 1985 til 1989 nam hann dönsku og norsku við Háskóla Íslands. Sótti bókmenntanámskeið í Svíþjóð 1991 og 1993.

Hann starfaði við kennslu og skólastjórn víða um land 1949 til 1985 og vann verkamannavinnu á sumrin.

"Sveinn frá Elivogum" Vestfirska forlagið 2012

Ég er fæddur í fátæku hreysi
fremst í Laxárdal
fyrir fimmtung aldar,
fjarri glæstum sal.
[...]
Ég dái þig, fagri dalurinn minn,
ég dvalið hefi hér aldurinn
við þína hörðu veðrakinn
og vonað til heitra landa.
(ABS 1942 Dalurinn minn)

Um seinni konu sína
Þessa leið að lokum einnig fer ég,

• lúinn eftir margan vinnudag.
  Návist þinni nú þá sviptur er ég
  nokkuð virðist breytt um ytri hag.

Komið er að kveðjustund, mín vina.
Kærar þakkir fyrir liðna tíð.
Og nú fer ég einn um veröldina;
ennþá dvel ég hér um nokkra hríð.
(ABS 1988 Eftir að þú fórst)

Foreldrar hans voru Elín Guðmundsdóttir f. 31.10.1903 - 19.4.1958 húsfreyja og Sveinn Hannesson f. 3.4.1889 - 2.7.1945 frá Elivogum, bóndi og skáld. Hann ólst upp á Sneis og Refsstöðum á Laxárdal í A-Hún. og Vindhæli á Skagaströnd. Auðunn gekk að eiga fyrri konu sína 1949, Guðlaugu Arnórsdóttur f. 21.3.1928 - 22.6.1968 frá Gröf í Hrunamannahreppi.
Guðlaug og Auðunn eignuðust fimm börn.
1) Sveinn Auðunsson, fæddur 29.11.1949, eiginkona hans er Erika Steinman f. 28.5.1948. Börn þeirra eru Ásta Kristín Sveinsdóttir og Elín Sveinsdóttir.
2) Kristín Auðunsdóttir, fædd 13.11.1950, eiginmaður hennar er Haukur Ágústsson f. 10.1.1950. Börn þeirra eru Guðlaug Hauksdóttir; Ágúst Hauksson, Arnór Hauksson, Haukur Snær Hauksson og Margrét Hauksdóttir.
3) Arnór Auðunsson, fæddur f. 7.2.1952 - 16.3.1975, Mosfellsbæ.
4) Emil Auðunsson, fæddur 9.3.1954 - 7.9.2008, Toftlund Danmörku.
5) Ólafur Þórir Auðunsson, fæddur 22.9.1960, eiginkona hans er Helena Stefanía Stefánsdóttir f. 14.2.1963. Börn þeirra eru Stefán Smári Kristinsson og Jóel Daði Ólafsson.
Barnabörn Auðuns og Guðlaugar eru níu talsins og barnabarnabörn tíu.
Guðlaug lést úr krabbameini árið 1968, þá einungis fertug.
Seinni kona Auðuns var Ulla Nielsen f. 12.1.1934 - 29.6.1988, hún átti eina dóttur, Melrethe, af fyrra hjónabandi.
Konan í lífi hans síðustu árin hefur verið vinkona hans Jósefína Björnsdóttir, fyrrum húsfreyja á Galtanesi í Víðidal, en vinskapur þeirra á rætur að rekja til húnvetningafélagsins. Í yfir 20 ár hafa þau ferðast saman og notið samvista hvert af öðru.

hann þýddi, meðal annara verka, smáljóðasafn Piet Hien, Korte Gruk á íslensku.

Sverrir Björnsson Fossdal (1924-1997) Skagaströnd (12.6.1924 - 7.10.1997)

HAH01050

IS HAH

Final

Full

GPJ 12.5.2017

• Icelandic

®GPJ ættfræði
Íslendingabók
mbl 2.2.2013. https://www.mbl.is/greinasafn/grein/1453515/?item_num=0&searchid=7bfbd137cf940c4bbce0c601f6d30c638ed78d8c