Ásbrekka í Vatnsdal

Nýbýli úr Áslandi byggt 1935 af Ásgrími Kristinssyni. Bærinn stendur á lautarbarmi upp af Móhellunni. Útihús standa litlu ofar á Grænhól. Jörðin er frekar lítil, en undirlendi gott til túnræktunar. Vatnsdalsá þverbeygir hér austur yfir dalinn, en hefur áður runnið með vesturbrekkum. Samkomuhús byggt 1935, sem ungmennafélagið á, stendur skammt neðan við bæinn. Hjáleigur tvær voru fyrrum frá Ási í landi jarðarinnar; Grænhóll er áður getur og Brekka við Brekkulæk suður með merkjum. Íbúðarhús byggt 1937 og 1950 198 m3 ein hæð. Fjós yfir 10 gripi. Fjárhús yfir 185 fjár Hesthús yfir 15 hross. Hlaða 1066 m3. Votheysgryfja 48 m3. Geymsluskúr. Tún 25,2 ha. Veiðiréttur í Vatnsdalsá.

Vatnsdalur; Áshreppur; Ás; Móhellan; Grænhóll; Vatnsdalsá; Samkomuhús; Brekka; Brekkulækur;

„Til er örnefnaskrá fyrir Ásbrekku, sem skráð hafi verið á sínum tíma af Daða Guðmundssyni, þáverandi bónda í Gilá, en þar komi fram að Stórhólmi sé í landi Ásbrekku, 600 metra langur og 100 m breiður. Samsvarandi örnefnaskrá er Daði hafi unnið vegna Þórormstungu tiltaki engan slíkan hólma á þessu svæði.

Ábúendur;

1937-1954 og 1956-1963- Ásgrímur Kristinsson 29. des. 1911 - 20. ágúst 1988. Lausamaður á Ási, Undirfellssókn, A-Hún. 1930. Bóndi og skáld í Ásbrekku í Vatnsdal, síðar verkamaður í Reykjavík. Síðast bús. í Reykjavík. Fyrri kona hans; Ólöf Kristbjörg Sigurbjörnsdóttir 13. janúar 1910 - 31. mars 1946 Vinnukona á Shellstöðinni, Skildinganesi, Reykjavíkursókn, Kjós. 1930. Drukknaði í Vatnsdalsá. Seinni kona; Guðný Guðmundsdóttir 17. desember 1918 - 31. maí 1984 Var á Laugabóli, Hrafnseyrarsókn, V-Ís. 1930. Fósturfor: Guðmundur Ágúst Pálsson og Þórdís Guðrún Guðmundsdóttir. Húsfreyja í Reykjavík 1945. Var á Ásbrekku, Áshr., A-Hún. 1957. Síðast bús. í Reykjavík.

1954-1956- Benedikt Björnsson Blöndal 23. maí 1924 - 8. nóv. 1991. Var á Hnausum, Þingeyrasókn, A-Hún. 1930. Var á Guðrúnarstöðum, Áshr., A-Hún. 1957. Afgreiðslumaður í Reykjavík. Síðast bús. í Keflavík. Kona hans; Sigþrúður Guðmundsdóttir 18. ágúst 1926 - 5. okt. 2010. Var á Guðrúnarstöðum, Áshr., A-Hún. 1957. Bús. í Reykjavík.

Frá 1962- Guðmundur Ólafs Ásgrímsson 26. des. 1934. Var á Ásbrekku, Áshr., A-Hún. 1957. Kona hans; Ólafía Sigurlaug Pétursdóttir 8. apríl 1942. Var í Miðhúsum, Sveinsstaðahr., A-Hún. 1957.

GPJ 13.3.2019

• Icelandic

Húnaþing II bls 343