Einstaklingur

Þorkell Kr. Fjeldsted (1947-2014) Ferjukoti

• Þorkell Kristjánsson Fjeldsted Ferjukoti
• Þorkell Fjeldsted Ferjukoti

28.8.1947 - 18.11.2014

Þorkell Fjeldsted, Ferjukoti, fæddist 28. ágúst 1947. Búfræðingur og bóndi í Ferjukoti í Borgarhreppi. Gegndi margvíslegum félags- og trúnaðarstörfum.
Þorkell bjó alla tíð í Ferjukoti og tók snemma virkan þátt í búskap og laxveiði ásamt foreldrum og systkinum og átti það hug hans allan.
Þorkell og Heba hófu saman búskap í Ferjukoti 1971. Hann lést 18. nóvember 2014 á sjúkrahúsinu á Akranesi.
Útför Þorkels fór fram í Borgarneskirkju 29. nóvember 2014, klukkan 11.

Ferjukot:

Þorkell stundaði nám við héraðskólann á Reykjum og þaðan lá leiðin í Bændaskólann á Hvanneyri og útskrifaðist hann þaðan sem búfræðingur.

Þorkell var mikill áhugamaður um íþróttir og stundaði frjálsíþróttir á yngri árum og keppti fyrir hönd UMSB á nokkrum mótum.
Þorkell var virkur í félagsmálum og sat í mörgum nefndum, þar á meðal í hreppsnefnd Borgarhrepps, formaður skólanefndar í Varmalandi og í stjórn veiðifélags Norðurár í 26 ár. Þorkell var frumkvöðull í hugsun, hann seldi beint frá býli áður en hugtakið var fundið upp, stofnaði laxveiði og sögusafnið í Ferjukoti og fann upp fjósalykt á flösku sem naut mikilla vinsælda.

Foreldrar hans voru hjónin Kristján Fjeldsted, f. 17.12. 1914, d. 30.1. 1991, og Þórdís Fjeldsted, f. 5.12. 1917, d. 14.3. 2011.

Systkini Þorkels eru Sigurður Fjeldsted, f. 1941. Maki Thom Lomain, f. 1962. Guðrún Fjeldsted, f. 1952, maki Þorsteinn Guðlaugsson, f. 1952, d. 2005. Sambýlismaður Guðrúnar er Guðmundur Finnsson, f. 1950.
Þorkell kvæntist 6.11. 1971 Hebu Magnúsdóttur, f. 1.12. 1951. Heba er dóttir hjónanna Valdísar Björgvinsdóttur, f. 1935, og Magnúsar Péturssonar, f. 1937, d. 2013.

Börn Þorkels eru
1) Kristján Fjeldsted, f. 1972, d. 1991.
2) Magnús Fjeldsted, f. 1973, maki Margrét Ástrós Helgadóttir, f. 1973, þeirra börn eru Heba Rós, f. 2000. Óliver Kristján, f. 2001, María Sól, f. 2009.
3) Heiða Dís Fjeldsted, f. 1979, sambýlismaður Þórður Sigurðsson, f. 1976, barn þeirra Kristján, f. 2013, börn Þórðar, Þórunn Birta, f. 2001, Þóra Sóldís, f. 2008, og Þorsteinn Logi, f. 2008.
4) Elísabet Fjeldsted, f. 1985, sambýlismaður Axel Freyr Eiríksson, f. 1984, synir þeirra eru Þorkell, f. 2011, og Daníel, f. 2014.
5) Björgvin Fjeldsted, f. 1989.

IS HAH

Loka

Fullt

GPJ 30.8.2019

• íslenska

®GPJ ættfræði https://www.mbl.is/greinasafn/grein/1533225/?item_num=0&searchid=992903ab0b767a7c82ac4b583bb61e4f81a8f871