Einstaklingur

Sveinborg Helga Sveinsdóttir (1948-2004) Hjúkrunarfræðingur

13.6.1948 - 13.3.2004

Sveinborg Helga Sveinsdóttir fæddist í Vestmannaeyjum 13. júní 1948. Hún lést á líknardeild Landspítalans í Kópavogi 13. mars síðastliðinn. Sveinborg verður jarðsungin frá Víðistaðakirkju í Hafnarfirði í dag 26. mars 2004 og hefst athöfnin klukkan 11.

Vestmannaeyjar: Reykjavík: Blönduós 1973: Neskaupsstaður: Akureyri:

Sveinborg lauk gagnfræðaprófi frá Gagnfræðaskólanum í Vestmannaeyjum 1965, prófi í hjúkrunarfræði frá Hjúkrunarskóla Íslands 1970 og framhaldsnámi í geðhjúkrun 1981.

Sveinborg starfaði sem hjúkrunarfræðingur við Sjúkrahúsið í Vestmannaeyjum 1970-1971, við geðdeild Borgarspítalans 1971-1972, við lyflæknisdeild Landspítalans 1972-1973, við sjúkrahúsið á Blönduósi sumarið 1973 og sumarið 1974, við krabbameinsdeild og langlegudeild Háskólasjúkrahússins í Lundi í Svíþjóð 1975 og 1977-1978, við geðdeild Landspítalans 1981-1982. Árin 1982 til 1986 starfaði Sveinborg við Fjórðungssjúkrahúsið á Akureyri, fyrst sem deildarstjóri á geðdeild og síðustu tvö árin sem fræðslustjóri FSA. Árin 1987 til 1996 var Sveinborg félagsmálastjóri í Neskaupstað. Hluta af tímanum starfaði hún einnig að sömu málum á Eskifirði.
Sveinborg var formaður Félags hjúkrunarfræðinga á Norðurlandi 1984 til 1986, starfaði að stofnun og uppbyggingu kvennaathvarfs á Akureyri og var í stjórn Rauða kross Íslands 1998-2002.

Faðir Sveinborgar er Sveinn Sverrir Sveinsson, lengst af verkamaður hjá Rafveitunni í Vestmannaeyjum, f. í Neskaupstað 15. október 1924. Foreldrar hans voru Sveinn Sigurður Sveinsson, sjómaður og verkamaður á Norðfirði, og Anna Herborg Guðmundsdóttir frá Borgarfirði eystra. Móðir Sveinborgar er Sigríður Ragna Júlíusdóttir saumakona, f. í Vestmannaeyjum 28. janúar 1926. Foreldrar hennar voru Júlíus Jónsson, múrarameistari í Vestmannaeyjum og Sigurveig Björnsdóttir saumakona.
Sveinborg var önnur í hópi fimm systkina sem komust á legg en alls voru þau sex, hin eru:
1) Júlíus, f. 25. júní 1944, maki Freydís Fannbergsdóttir;
2) Sveinborg, f. 14. janúar 1946 , d. 7. apríl 1946;
4) Ragnar, f. 9. júlí 1955, maki Gunnhildur María Sæmundsdóttir;
5) Sveinn Sigurður, f. 21. apríl 1957, maki Margrét Bragadóttir;
6) Birgir, f. 6. febrúar 1959, maki Steinunn Gísladóttir.
Hinn 27. febrúar 1971 giftist Sveinborg Finnboga Jónssyni, stjórnarformanni Samherja h/f og framkvæmdastjóra SR-mjöls h/f, f. á Akureyri 18. janúar 1950. Foreldrar hans voru Jón Sveinbjörn Kristjánsson skipstjóri, f. á Ísafirði 13. september 1912, d. 26. mars 2001 og Esther Finnbogadóttir verkakona, f. á Eskifirði 24. janúar 1917, d. 23. júní 1986.
Börn Sveinborgar og Finnboga eru
1) Esther, viðskiptafræðingur hjá KB-banka, f. 30. nóvember 1969, unnusti Bjarni Karl Guðlaugsson, sjóðstjóri hjá KB-banka, f. 11. september 1973, sonur hennar er Finnbogi Guðmundsson, f. 18. apríl 1996,
2) Sigríður Ragna, flugfreyja og nemi við Háskólann í Alicante, f. 20. júlí 1976, unnusti Andrés Miñarro Canovas, starfsmaður í sérsveitum spænska hersins, f. 7. apríl 1976.

IS HAH

Loka

Fullt

GPJ 1.8.2017

• íslenska

http://www.mbl.is/greinasafn/minningaleit/