Einstaklingur

Svava Sveinbjörnsdóttir (1931-2018) Hnausum

• Svava Sveinsína Sveinbjörnsdóttir (1931-2018) Hnausum

26.1.1931 - 23.8.2018

Svava Sveinsína Sveinbjörnsdóttir 26. jan. 1931 - 23. ágúst 2018. Bókbindari. Fékkst við bústörf á Hnausum í Sveinsstaðahreppi og síðar við bókband í Reykjavík. Var á Hnausum, Sveinsstaðahr., A-Hún. 1957. Gegndi ýmsum félagsstörfum. Ógift. Kvsk á Blönduósi 1950-1951.
fæddist í Hnausum í Þingi en bjó lengst af í Fellsmúla í Reykjavík. Allt til 1967 tók hún virkan þátt í bústörfum í Hnausum, inni sem úti, átti fé og sinnti einnig mikið afgreiðslustörfum á landsímastöðinni þar fyrir Sveinsstaðahrepp. Þá ræktaði hún fallegan trjá- og blómagarð sunnan við bæinn.
Hún lést á Hrafnistu við Brúnaveg í Reykjavík 23. ágúst 2018. Svava Sveinsína var jarðsungin frá Þingeyraklausturskirkju í Þingi, Austur-Húnavatnssýslu, 8. september 2018, og hófst athöfnin klukkan 14.

Barnaskólinn á Sveinsstöðum í Þingi
Kvsk á Blönduósi 1950-1951.

Á Hnausaárunum tók Svava þátt í ýmsu félagsstarfi, einkum innan ungmennafélagsins og kvenfélagsins, kom m.a. að skógrækt í Þórdísarlundi í Vatnsdalshólum, en syðra komu Húnvetningafélagið í Reykjavík og Félag bókagerðarmanna mest við sögu. Þá var hún alla tíð, á meðan heilsan leyfði, virk í fjölskyldu- og ættarklúbbi sem gjarnan kenndi sig við Grund í Svínadal og sótti reglubundið endurfundi samnemenda úr Kvennaskólanum á Blönduósi.

Ritið Húnvetningur birti efni eftir hana og í Húnavöku 2018 birtist viðtal við Svövu þar sem vel kemur fram hve mjög hún unni átthögunum.

Foreldrar hennar; Kristín Pálmadóttir 10. apríl 1889 - 31. mars 1985. Vinnukona í Reykjavík 1910. Húsfreyja á sama stað 1930. Var á Hnausum, Sveinsstaðahr., A-Hún. 1957 og maður hennar 3.6.1916; Sveinbjörn Jakobsson 20. okt. 1879 - 24. okt. 1958. Var í Reykjavík 1910. Bóndi á sama stað 1930. Var á Hnausum, Sveinsstaðahr., A-Hún. 1957.

Systkini;
1) Guðrún Sveinbjörnsdóttir 5. nóv. 1917 - 7. jan. 2016. Var á Hnausum, Þingeyrasókn, A-Hún. 1930. Maður hennar; Dýrmundur Ólafsson 8. des. 1914 - 13. sept. 2011. Póstmaður í Reykjavík
2) Leifur Sveinbjörnsson 2. okt. 1919 - 22. feb. 2008. Var á Hnausum, Þingeyrasókn, A-Hún. 1930. Var á Hnausum, Sveinsstaðahr., A-Hún. 1957. Bóndi á Hnausum í Sveinsstaðahreppi, síðast bús. í Garðabæ. Kona hans 23.7.1967; Elna Thomsen 11. maí 1936 - 26. nóv. 2017. Húsfreyja á Hnausum í Sveinsstaðahreppi. Kjörbörn Leifs: Andrés Ingibergur, f. 21.9.1961 og Kristín Björk, f. 2.4.1971.
3) Jakob Sveinbjörnsson 15. júní 1921 - 13. maí 2002. Var á Hnausum, Þingeyrasókn, A-Hún. 1930. Lengst af leigubílstjóri síðar skoðunarmaður hjá Bifreiðaeftirlitinu. Kona hans Þórdís Inga Þorsteinsdóttir 18. sept. 1924.
4) Jórunn Sigríður Sveinbjörnsdóttir [Stella] 9. mars 1925. Maður hennar; Hjörtur Hafsteinn Hjartarson 5. sept. 1908 - 20. ágúst 1994. Var í Reykjavík 1910. Verkamaður á Lindargötu 40, Reykjavík 1930. Fósturfor: Tómas Klog Pálsson og Rannveig Gissurardóttir. Lögregluþjónn í Reykjavík.
5) Svava Sveinbjörnsdóttir 27. sept. 1926 - 18. feb. 1927.

Sveinbjörn Jakobsson (1879-1958) Hnausum (20.10.1879 - 24.10.1958)

Kristín Pálmadóttir (1889-1985) frá Hnausum (10.4.1889 - 31.3.1985)

HAH08101

IS-HAH

Loka

Fullt

GPJ skráning 29.11.2022

®GPJ ættfræði 29.11.2022
Íslendingabók
mbl 8.9.2018. https://www.mbl.is/greinasafn/grein/1696964/?item_num=0&searchid=9440aa6f3cd5cb8163eb437f9f2c505122eab4ac
Húnavaka 2018
ÆAHún. Bls 1050.