Einstaklingur

Steinunn Jósefína Guðmundsdóttir Kristiansen (1927-2013)

• Steinunn Jósefína Guðmundsdóttir Kristiansen (1927-2013) frá Refsteinsstöðum í Víðidal

8.9.1927 - 12.11.2013

Steinunn Jósefína Guðmundsdóttir Kristiansen fæddist á Refsteinsstöðum í Víðidal, Vestur-Húnavatnssýslu 8. september 1927. Hún lést á Landspítala – háskólasjúkrahúsi í Fossvogi 12. nóvember 2013. Steinunn dvaldi í foreldrahúsum fyrstu æviárin en á fjórða ári var hún tekin í fóstur að Umsvölum í Þingi og dvaldist þar uns fósturfaðir hennar lést 1942. Árið 1943 fluttu þær fósturmæðgur til Reykjavíkur. Steinunn stundaði ýmis störf meðfram námi. Jarðarför Steinunnar fer fram frá Hallgrímskirkju í dag, 22. nóvember 2013, kl. 13.

Refsteinsstaðir í Víðidal: Umsvalir í Þingi 1935: Reykjavík 1943:

Skólagangan syðra hófst í kvöldskóla KFUM, þar sem hún stundaði nám veturlangt, og síðan tvo vetur í Samvinnuskólanum þaðan sem hún lauk brottfararprófi vorið 1947.

Næstu árin vann hún skrifstofustörf hjá Dósaverksmiðjunni hf. Steinunn hóf störf hjá Hjálpræðishernum 1974 og starfaði þar í aldarfjórðung, fyrstu árin í þvottahúsi og síðar í gestamóttöku þar sem tungumálakunnátta hennar og glaðværð nutu sín. Steinunn var virk í kvenfélagi Hallgrímskirkju, í félagsstarfi Hjálpræðishersins og tók ríkan þátt í starfi eldriborgara á Vesturgötu 7.

Foreldrar Steinunnar voru Sigurlaug Jakobína Sigurvaldadóttir, f. 17. desember 1893, d. 28. desember 1968, og Guðmundur Pétursson, f. 24. desember 1888, d. 14. ágúst 1964. Bóndi á Refsteinsstöðum, Víðidalstungusókn, V-Hún. 1930. Bóndi á Litlu-Borg og Refsteinsstöðum í Víðidal, V-Hún., síðast á Nefsstöðum í Stíflu, Skag.
Fósturforeldrar hennar voru Halldóra Jóhannesdóttir, f. 24. janúar 1893, d. 12. apríl 1988, og Þorsteinn Jósefsson, f. 11. mars 1893, d. 18. nóvember 1942 á Umsvölum.
Steinunn var sjötta barn í hópi níu systkina. Þrúður Elísabet, f. 1917, d. 2002, Ólöf María, f. 1919, d. 2012, Vilhjálmur, f. 1922, d. 2002, Pétur Kristófer, f. 1923, d. 2009, Sigurvaldi Sigurður, f. 1925, Sigurbjörg Sigríður, f. 1929, d. 2001, Jón Unnsteinn, f. 1931, d. 1988, Fríða Klara Marta, f. 1935.
Uppeldisbróðir, Jónas Jóhannsson, f. 27. október 1924 - 20. janúar 2004. Var í Skólahúsinu, Þingeyrasókn, A-Hún. 1930. Verslunarmaður, síðast bús. í Hafnarfirði. Steinunn giftist Baldri Ingolf Kristiansen, f. 10. júní 1919, d. 30. júní 1975 Var á Seyðisfirði 1930. Vélstjóri og pípulagningamaður í Reykjavík. Þau gengu í hjónaband árið 1954.
Börn þeirra eru:
1) Þorsteinn Kornelíus, f. 8. maí 1954, kvæntist Agnesi Jensdóttur, f. 1952, börn þeirra: Ingólfur, f. 1981, og Rakel, f. 1983, börn Rakelar og Elfars Rafns Sigþórssonar, f. 1980, eru Karítas Svana, f. 2006, Aníta Rán, f. 2008, og Leon Mikael, f. 2013. Agnes og Þorsteinn slitu samvistir. Sonur Þorsteins og Völdu Kolesnikovu, f. 1971, er Samúel Kristian, f. 2010.
2) Halldór Helgi, f. 7. ágúst 1956, kvæntur Auði Magnúsdóttur, f. 1958, sonur: Einar, f. 1986.
3) Þorgerður Mattía, f. 14. ágúst 1958, giftist Óttari Magna Jóhannssyni, f. 1957, dætur þeirra: Steinunn Björt, f. 1985, Heiðrún Arna, f. 1986, og Árdís Björg, f. 1992. Þau slitu samvistir.
4) Selma Ósk, f. 3. ágúst 1960, gift Helga Kristjánssyni, f. 1961, börn þeirra: Baldur, f. 1984, kvæntur Patriciu Spyrakos, f. 1974, dóttir þeirra er Harriet Selma, f. 2013. Bryndís, f. 1986, sonur hennar og Arnars Davíðssonar, f. 1976, er Helgi Jökull, f. 2010.
5) Helga Árdís, f. 2. júní 1965, giftist Einari Daníel Bragasyni, f. 1957, synir þeirra: Marteinn Már, f. 1993, Baldur, f. 1995, og Bragi, f. 1995. Þau slitu samvistir.
Steinunn hélt heimili með Steingrími Þórði Daníel Guðmundssyni listmálara, í rúm níu ár, þar til hann lést, f. 9. janúar 1922 - 13. febrúar 1996. Verkamaður í Reykjavík 1945. Síðast bús. í Reykjavík. 1996.

Sigurbjörg Guðmundsdóttir (1929-2001) Öxl (28.9.1929 - 9.8.2001)

HAH02045

IS HAH

Loka

Fullt

GPJ 30.7.2017

• íslenska

http://www.mbl.is/greinasafn/minningaleit/