Fyrirtæki/stofnun

Skrapatungurétt

1957 -

Engihlíðarhreppur; Vindhælishreppur; Blönduós; Efri-Mýrar;

"Ármótin, þar sem Norðurá og Laxá mætast, eru nokkuð sérstakur staður. Þar eru grónar grundir og berjabrekkur uppi í hlíðinni. Á sumrin komu ungmennin úr Vorblæ þar saman og léku handbolta, fótbolta og ýmsa leiki.
Nokkru seinna var byggð skilarétt þarna á grundunum við ármótin. Engihlíðar- og Vindhælishreppur stóðu sameiginlega að því verki. Réttin, sem heitir Skrapatungurétt, var vígð haustið 1957 og er nú vel kunn um allt land og jafnvel út fyrir landsteinana.

Ungmennafélagið Vorblær hafði keypt og sett upp bragga sem hafði verið keyptur af setuliðinu á Blönduósi. Við þetta hróf var notast í nokkur ár sem samkomuhús. Þar var aðstaða fyrir veitingasölu og ekki man ég betur en fólk skemmti sér þar bara vel. Kvenfélagskonur bæði úr Engihlíðar- og Vindhælishreppi, sáu um veitingarnar. Ekki þætti þetta samt boðlegt félagsheimili í dag. Áður voru böll haldin í stofunum á ýmsum bæjum þó að ekki væri alltaf mikið pláss. Í nokkur ár voru haldin böll heima á Efri-Mýrum en það lagðist af þegar bragginn kom."

IS HAH-Bæ

Loka

Fullt

GPJ 9.4.2019

• íslenska

Valgerður Bjarnadóttir, Síðustu jólin heima – Húnavaka, 1. tölublað (01.05.2000). Bls. 99-102. http://timarit.is/view_page_init.jsp?gegnirId=000582613