Sigurveig Sigurðardóttir (1920-2008) Selfossi

• Sigurveig Sigurðardóttir Selfossi

Sigurveig Sigurðardóttir fæddist í Presthúsum í Vestmannaeyjum 9. ágúst 1920. Hún lést á Sjúkrahúsi Suðurlands föstudaginn 9. maí síðastliðinn. Sigurveig og Hjalti stofnuðu heimili í Reykjavík en fluttu að Selfossi árið 1946. Sigurveig var sæmd riddarakrossi hinnar íslensku fálkaorðu fyrir störf að félagsmálum.
Útför Sigurveigar fer fram frá Selfosskirkju í dag og hefst athöfnin klukkan 13.30.

Presthús í Vestmannaeyjum: Reykjavík: Selfoss 1946:

Þar tók Sigurveig þátt í félagsmálum og gegndi ýmsum trúnaðarstörfum. Hún starfaði lengi í Kvenfélagi Selfoss og var þar formaður um árabil. Sigurveig var formaður Sambands sunnlenskra kvenna frá 1966-1975. Hún var kosin í stjórn Kvenfélagasambands Íslands árið 1971 og var varaformaður sambandsins frá 1975-1984. Hún var gerð að heiðursfélaga þar árið 1987. Sigurveig var formaður stjórnar Sjúkrahúss Selfoss frá 1969-1981. Hún sat í stjórn Sjúkrahúss Suðurlands á Selfossi frá 1981-1982. Þá var hún í skólanefnd Húsmæðraskóla Suðurlands og Skálholtsskóla. Einnig var hún í stjórn Húsmæðrasambands Norðurlanda (Nordens Husmorforbund). Sigurveig var formaður Krabbameinsfélags Árnessýslu um tíma.
1974 Sigurveig skipaði 2. sæti lista Alþýðubandalagsins. Sigurveig og Hjalti voru bæði virk í starfi Alþýðubandalagsins alla tíð og þegar Samfylkingin var stofnuð sátu þau bæði stofnfundinn í Tryggvaskála.
Sigurveig var ein af hópi stofnfélaga Inner Wheel á Selfossi árið 1978. Sigurveig sinnti flestum trúnaðarstörfum innan klúbbsins og var forseti starfsárið 1985-1986.
Hún var útnefnd heiðursfélagi I.W. Selfoss fyrir nokkrum árum fyrir störf sín í þágu félagsins.

Foreldrar hennar voru Sigurður Jónsson, f. á Þykkvabæjarklaustri í Álftaveri 10. apríl 1894, d. í Reykjavík 4. júní 1938 og Vigdís Anna Gísladóttir, f. í Suður-Vík í Vestur-Skaftafellssýslu 6. janúar 1893, d. í Reykjavík 24. febrúar 1972.
Systkini Sigurveigar eru Gísli Þór f. 3. mars 1922, Jóhanna f. 9. apríl 1926, d. 13. febrúar 2007, Jón f. 27. febrúar 1930 og Sigurður f. 1. ágúst 1932.
Uppeldisbróðir hennar var Gísli Ólafur Guðmundsson, f. 9. nóvember 1912, d. 7. nóvember 1985.
Hálfsystir hennar samfeðra var Halla Sigurjóns f. 15. nóvember 1937, d. 31. mars 2002.
Sigurveig giftist 8. júní 1940 Hjalta Þorvarðssyni fyrrverandi rafveitustjóra á Selfossi, f. á Skriðu í Breiðdal 13. febrúar 1915, d. á Selfossi 2. júní 2006. Foreldrar hans voru Þorvarður Helgason, f. í Gautavík í Berufirði 12. júlí 1874, d. í Reykjavík 18. desember 1949 og Þórunn Sigríður Þórðardóttir, f. í Berufirði 4. janúar 1885, d. í Reykjavík 29. september 1956.
Börn þeirra Sigurveigar og Hjalta eru:
1) Sverrir, f. 5. maí 1941, kvæntur Guðrúnu Eyju Erlingsdóttir, f. 27. febrúar 1946. Börn þeirra eru Erlingur, Þóra húsfreyja á Stóru-Giljá og Egill.
2) Sigurður, f. 17. júní 1944, kvæntur Aagot F. Snorradóttur bróður Rolfs tæknifræðings á Blönduósi og föðursystir Evu á Sturluhóli, f. 4. nóvember 1947. Dætur þeirra eru Steinunn Eva og Sigurveig.
3) Vigdís Anna, f. 8. júlí 1948, gift Guðmundi Þorsteinssyni, bróður Ragnheiðar Þorsteinsdóttur (Löggu) og Óla prentara hjá Gretti, f. 3. júlí 1947. Börn þeirra eru Hjalti, Ragnheiður, Þórunn og Margrét.
4) Þorvarður, f. 21. ágúst 1951, kvæntur Ólafíu Sigurðardóttur, f. 12. júlí 1950. Synir þeirra eru Guðjón Björgvin, Hjalti og Sigurður Andrés.
Barnabarnabörnin eru 32 og barnabarnabarnabarn 1.

GPJ 24.7.2017

• Icelandic

http://www.mbl.is/greinasafn/minningaleit/