Einstaklingur

Sigurlaug Björnsdóttir (1917-2005) kennari frá Rútsstöðum

• Sigurlaug Björnsdóttir (1917-2005) kennari frá Rútsstöðum

16.7.1917 - 4.4.2005

Sigurlaug Björnsdóttir fæddist á Rútsstöðum í Svínadal í A-Hún. 16. júlí 1917. Hún lést á Hrafnistu í Reykjavík 4. apríl síðastliðinn. Sigurlaug ólst upp með foreldrum sínum á ýmsum stöðum í A-Húnavatnssýslu og Skagafirði uns þau fluttu til Reykjavíkur árið 1930.
Útför Sigurlaugar fór fram 10. apríl í kyrrþey að ósk hinnar látnu.

Rútsstaðir: Reykjavík 1930:

Hún lauk stúdentsprófi frá Menntaskólanum í Reykjavík 1937 og kennaraprófi frá Kennaraskóla Íslands 1938. Stundaði nám í Háskóla Íslands í ensku og bókmenntum 1943 til 1945 og síðar á ævinni er hún var komin á eftirlaun. Las enskar bókmenntir við University College í Nottingham 1945-1946 og fór í námsferð til Danmerkur 1956.

Sigurlaug var kennari í rúm fjörutíu ár, lengst af í Hafnarfirði við St. Jósefsskóla og síðar við Öldutúnsskóla.

Eftir hana liggja fjölmargar þýðingar á enskum bókmenntaverkum. Þekktast þeirra er Fýkur yfir hæðir eftir Emily Brontë. Þá sá hún um og gerði fjölda þátta fyrir ríkisútvarpið auk þess sem hún ritaði greinar um bókmenntir og menningarmál í dagblöð og tímarit.

Foreldrar hennar voru hjónin Þorbjörg Kristjánsdóttir, f. á Reykjum við Reykjabraut í A-Hún. 17. febrúar 1894, d. 16. apríl 1962, og Björn Magnússon, kennari og bóndi, f. á Ægissíðu í Þverárhreppi í V-Hún. 23. september 1887, d. 6. desember 1955.
Systkini Sigurlaugar voru: Ingibjörg Margrét, f. 7. júlí 1916, d. 6. október 1927, Kristín Sigþóra, f. 1. mars 1919, Sigrún, f. 13. febrúar 1921, d. 25. október 1977, Jónína Sveinbjörg, f. 16. júlí 1922, d. 18. maí 2003, og Magnús, f. 26. október 1923, d. 12. júní 1997.

Björn Magnússon (1887-1955) kennari og bóndi Rútsstöðum ov (11.9.1887 - 6.12.1955)

Jónína Björnsdóttir (1922-2003) Kleifum (16.6.1922 -18.5.2003)

Ásgeir Theódór Magnússon (1886-1969) rithöfundur Reykjavík, frá Ægissíðu (7.3.1886 - 14.8.1969)

HAH01969

IS HAH

Loka

Fullt

GPJ 23.7.2017

• íslenska

®GPJ ættfræði https://www.mbl.is/greinasafn/grein/1013970/?item_num=3&searchid=092186eb538c28ef5baca47878beab4dd0371e57