Einstaklingur

Sigurður Þórarinsson (1912-1983) jarðfræðingur

8.1.1912 - 8.2.1983

Sigurður Þórarinsson 8. jan. 1912 - 8. feb. 1983. Var á Akureyri 1930. Fósturfor: Balduin Ryel og Gunnhildur Andrésdóttir Ryel. Var í Reykjavík 1945. Prófessor í jarðfræði við Háskóla Íslands í Reykjavík.

Sigurður lauk stúdentsprófi frá MA 1931, cand.phil.-prófi frá Kaupmannahafnarháskóla, fil.kand.-prófi í almennri jarðfræði, bergfræði, landafræði og grasafræði frá Stokkhólmsháskóla, fil.lic.-prófi þaðan í landafræði og tók doktorspróf við Stokkhólmsháskóla 1944.

Sigurður var dósent í landafræði við Stokkhólmsháskóla 1944, vann að rannsóknum á Vatnajökli sumrin 1936-38 og í Þjórsárdal 1939, sinnti rannsóknarstörfum í Svíþjóð og vann við ritstjórn Bonniers Konversationslexikon 1939-45, var kennari við MR 1945-65, settur prófessor í landafræði og forstöðumaður landafræðideildar háskólans í Stokkhólmi 1950-51 og 1953 og prófessor í jarðfræði og landafræði við HÍ frá 1968. Hann vann við jökla- og eldfjallarannsóknir hér á landi frá 1945 og flutti tæplega 200 fyrirlestra víða um heim.

Sigurður var virkur náttúruverndarmaður, formaður Hins íslenska náttúrufræðifélags, ritstjóri Náttúrufræðingsins, starfaði í Jöklarannsóknarfélaginu, var í stjórn Norrænu eldfjallastöðvarinnar, Náttúruverndarráði, formaður Jarðfræðafélagsins og forseti Ferðafélags Íslands. Hann var glaðsinna og prýðilega hagmæltur, samdi fjölda vinsælla söngtexta, svo sem Þórsmerkurljóð, Vorkvöld í Reykjavík og Að lífið sé skjálfandi lítið gras. Þá þýddi hann marga texta eftir Bellman, gaf út bók um hann og tók þátt í starfsemi Vísnavina.

Bækur
1) Sigurður Þórarinsson: Tefrokronologiska studier på Island : Þjórsárdalur och dess förödelse, 1944. Doktorsritgerð við Háskólann í Stokkhólmi.
2) Sigurður Þórarinsson: Eldur í Heklu. Almenna bókafélagið, Reykjavík 1956
3) Sigurður Þórarinsson: Heklueldar, Reykjavík 1968.
4) Sigurður Þórarinsson: Vötnin stríð. Saga Skeiðarárhlaupa og Grímsvatnagosa. Bókaútgáfa Menningarsjóðs, Reykjavík 1974.
5) Sigurður Þórarinsson (þýð.): Bellmaniana, Reykjavík 1983. Árni Sigurjónsson sá um útgáfuna.

Sigurður Steinþórsson: Memorial to Sigurdur Thorarinsson, 1912-1983. The Geological Society of America Memorials, vol. XV, bls. 1–6, 1985.

Sigurður Þórarinsson 8. jan. 1912 - 8. feb. 1983. Var á Akureyri 1930. Fósturfor: Balduin Ryel og Gunnhildur Andrésdóttir Ryel. Var í Reykjavík 1945. Prófessor í jarðfræði við Háskóla Íslands í Reykjavík.
Foreldrar hans; Þórarinn Stefánsson 16. maí 1875 - 28. maí 1924. Bóndi, búfræðingur og kennari í Teigi í Vopnafirði, N-Múl. Og kona hans; Snjólaug Filippía Sigurðardóttir 4. des. 1878 - 30. mars 1954. Húsfreyja í Teigi í Vopnafirði, N-Múl., og á Akureyri.

Vilhelmína Sigurðardóttir Þór (1888-1966) Akureyri (14.2.1888 - 7.11.1966)

HAH02197

IS HAH

Loka

Fullt

GPJ 17.2.2020. Innsetning og skráning

• íslenska

®GPJ ættfræði https://www.mbl.is/greinasafn/grein/1450384/

https://is.wikipedia.org/wiki/Sigur%C3%B0ur_%C3%9E%C3%B3rarinsson

https://is.wikipedia.org/wiki/Sigur%C3%B0ur_%C3%9E%C3%B3rarinsson

https://www.fi.is/is/frettir/sigurdur-thorarinsson-songvisur-og-svipmyndir