Einstaklingur

Sigurður Guðmundsson (1927-2012) Fossum

• Sigurður Guðmundsson Fossum

22.2.1927 - 16.3.2012

Sigurður Guðmundsson fæddist að Fossum í Svartárdal 22. febrúar 1927. Hann lést á Heilbrigðisstofnuninni á Blönduósi 16. mars 2012. Sigurður ólst upp á Fossum við venjuleg landbúnaðarstörf. Hafði snemma áhuga á sauðfé og ræktun þess. Annars átti búskapurinn á Fossum hug hans allan. Hann dvaldi að síðustu í eitt og hálft ár á Heilbrigðistofnuninni á Blönduósi.
Útför Sigurðar fer fram frá Bergstaðakirkju í dag, 31. mars 2012, og hefst athöfnin kl. 14.

Fossar í Svartárdal:

Dvaldi einn vetur á Reykjaskóla í Hrútafirði við nám, og annan vetur á Akureyri við smíðar.

Vann mörg haust á Sláturhúsi SAH Blönduósi. Sigurður var gangnastjóri á Eyvindarstaðaheiði í 36 haust, var hann síðasti ættliður þeirra Fossafeðga þriggja er gegndu þessu starfi. Það tímabil varði frá 1883 til 1992, eða í 109 ár. Sigurður sat um skeið í hreppsnefnd Bólstaðarhlíðarhrepps.

Dalurinn var dalur þinn,
drjúg var síðsta gangan.
Nú hefur þú í hinsta sinn
hallað þér á vangann.
(Sigurjón Guðmundsson)

Að Fossum inní Fossadal
þar fugla vakir kliður
í laukahlíða lystum sal,
en lækir falla niður
og hraða sér á langri leið
að landsins mararströndum
hvar endurheimtist elfan breið
í unnarfaðmi þöndum.
(Jóhann Magnússon)

Við Haugakvísl áðum við stund og gripum okkur matarbita. Er við höfðum matast man ég að Sigurður stóð upp, gekk fáein skref fram og aftur um grundina, kom svo til mín og mælti eftirfarandi:

„Okkur brestur aðeins víf,
eigum nesti saman.
Þetta lestarmannalíf,
líst mér besta gaman.“

Foreldrar hans voru Guðrún Þorvaldsdóttir, eyfirskrar ættar, f. 21.6. 1901, d. 8.6. 1949 og Guðmundur Guðmundsson bóndi á Fossum, f. 10.8. 1893, d. 29.8. 1976.
Sigurður var elstur þriggja bræðra. Hinir eru Guðmundur Sigurbjörn, f. 20.2. 1930, d. 24.9. 2010 og Sigurjón, f. 30.3. 1935.

Guðmundur Guðmundsson (1893-1976) Fossum (10.8.1893 - 29.8.1976)

Guðrún Þorvaldsdóttir (1901-1949) Fossum í Svartárdal (21.6.1901 - 8.6.1949)

Sigurjón Guðmundsson (1935) frá Fossum í Svartárdal (30.03.1935 -)

Guðmundur Guðmundsson (1930-2010) Fossum (20.2.1930 - 24.9.2010)

Fossar í Svartárdal ([1500])

HAH01947

IS HAH

Loka

Fullt

GPJ 19.7.2017

• íslenska

http://www.mbl.is/greinasafn/minningaleit/