Einstaklingur

Sigurður Bjarnason Sigurðsson (1915-2010) Akranesi

• Sigurður Bjarnason Sigurðsson (1915-2010) Akranesi

5.10.1915 - 22.2.2010

Sigurður Bjarnason Sigurðsson fæddist í Reykjavík 5. október 1915. Hann lést 22. febrúar síðastliðinn. Sigurður vann lengi við bifreiðaakstur og viðgerðir. Síðustu ár ævi sinnar var Sigurður vistmaður á Dvalarheimilinu Höfða á Akranesi.
Útför Sigurðar fór fram frá Akraneskirkju 3. mars 2010, og hófst athöfnin kl. 14.

Reykjavík: Jaðar Akranesi 1919: Leirdalur 1920:

Hann lauk námi í bifvélavirkjun frá Iðnskólanum á Akranesi árið 1962.

Um svipað leyti stofnaði hann sitt eigið bifreiðaverkstæði sem hann rak þar til hann gerðist bifreiðaeftirlitsmaður árið 1970. Starfsferil sinn endaði hann hjá Olís á Akranesi. Sigurður hafði mikinn áhuga á félagsmálum. Hann starfaði í skátahreyfingunni nánast alla ævi. Hann var heiðursfélagi Skátafélags Akraness. Hann var mjög áhugasamur um stangveiði og hafði yndi af henni. Hann var heiðursfélagi Stangveiðifélags Akraness. Sigurður starfaði einnig með Leikfélagi Akraness og í Knattspyrnufélaginu Kára á fyrri árum. Hann var mikill knattspyrnuáhugamaður og studdi ÍA af lífi og sál.

Foreldrar hans voru Elínborg Jónsdóttir og Sigurður Egill Hjörleifsson. Á fjórða ári fluttist hann með móður sinni upp á Akranes til Kristínar á Jaðri, ömmusystur sinnar.
Árið 1920 giftist Elínborg Boga Halldórssyni sem gekk Sigurði í föðurstað. Sama ár fluttu þau í Leirdal á Akranesi þar sem Sigurður bjó þar til hann stofnaði sitt eigið heimili.
Sigurður átti eina systur; Hvanney, f. 5. febrúar 1914, d. 28. desember 1914. Bróðir hans, samfeðra er Garðar, f. 1917.
Uppeldissystir Sigurðar er Inga Ingólfsdóttir, f. 1929.
Sigurður kvæntist 30. desember 1938 Guðfinnu Svavarsdóttur frá Sandgerði á Akranesi sem fæddist 3. apríl 1918. Hún lést 6. september 1999. Þau hófu búskap á Indriðastöðum á Vesturgötu 21 Akranesi.
Sigurður og Guðfinna eignuðust átta börn:
1) Svavar, f. 1939. Hann á tvær dætur; Írisi Júdith og Ninnu Sif.
2) Bogi, f. 1941. Hann á tvo syni; Sigurð og Magnús.
3) Elínborg, f. 1943, d. 1972. Hún eignaðist eina dóttur; Díönu Carmen.
4) Gunnar, f. 1946. Hann á tvö börn; Örn og Ellu Maríu.
5) Sigrún, f. 1948. Hún á tvo syni; Sigurð Má og Orra.
6) Steinunn, f. 1950, d. 2003. Hún eignaðist þrjár dætur; Sigrúnu Guðfinnu, Elínborgu og Borghildi.
7) Sigurður Rúnar, f. 1952. Hann á sex börn; Stellu Maríu, Ara Ervin, Sigurð Bjarna, Elínborgu, Ragnar og Thelmu Rós.
8) Ómar, f 1953. Hann á fjögur börn; Ingibjörgu Katrínu, Kristin, Magnús og Ósk.

Guðmundur Sigursteinsson (1957-1976) Blönduósi (18.11.1957 - 2.3.1976)

Akranes (1942 -)

Bogi Sigurðsson (1941) frá Akranesi (12.3.1941 -)

Guðfinna Svavarsdóttir (1918-1999) (3.4.1918 - 6.9.1999)

HAH01940

IS HAH

Loka

Fullt

GPJ 19.7.2017

• íslenska

®GPJ ættfræði https://www.mbl.is/greinasafn/grein/1324472/?item_num=5&searchid=7bd452c3c87ddc9b47fe334b29ddd52dbe08b8a9