Person

Sigríður Guðvarðsdóttir (1921-1997)

1.7.1921 - 26.3.1997

Sigríður Guðvarðsdóttir fæddist í Reykjavík 1. júlí 1921. Hún lést á Sauðárkróki 26. mars síðastliðinn.

Reykjavík: Sauðárkrókur 1956:

Sigríður lauk prófi í hjúkrun frá Hjúkrunarskóla Íslands árið 1946.

Hún stundaði hjúkrun á Landspítalanum og um tíma í Stokkhólmi, en vann lengst af við sjúkrahús Skagfirðinga á Sauðárkróki eftir að hún fluttist þangað 1956, ýmist sem hjúkrunarforstjóri eða deildarhjúkrunarfræðingur og einnig við heilsuvernd. Deildarhjúkrunarkona við Landspítalann varð hún 1949 og þar kynntist hún tilvonandi eiginmanni sínum, Friðriki Jens Friðrikssyni, sem þá var læknakandidat. Þau gengu í hjónaband 1. júní 1950 á brúðkaupsdegi foreldra hans. Seinna fór Friðrik til framhaldsnáms á Karolinska sjúkrahúsinu í Stokkhólmi, en Sigríður réðst sem hjúkrunarfræðingur á sömu stofnun. Árið 1956 höfðu örlagadísirnar spunnið sinn örlagaþráð. Það ár fékk Friðrik héraðslæknisembættið í Skagafirði. Bæði bjuggu þau og unnu á Sauðárkróki eftir það. Sigríður starfaði ýmist sem yfirhjúkrunar- eða deildarhjúkrunarfræðingur á sjúkrahúsinu. Félagsmál voru Sigríði hugleikin. Hún sat um árabil í barnaverndarnefnd og í stjórn sjúkrasamlagsins, starfaði í ýmsum félögum öðrum, einnig var hún fyrsti varaþingmaður Norðurlands vestra af D-lista 1974 og sat á þingi um tíma.
Ef litið er yfir 30 ára sögu Sjálfstæðiskvennafélags Sauðárkróks sést hve störf Sigríðar hafa verið mikil og samtvinnuð sögu félagsins. Hún var fyrsti formaður þess, og aftur var henni falin formennskan á árunum 1973-1976. Þá sat hún lengi í Kjördæmisráði Norðurlands vestra og í stjórnum og nefndum á vegum sjálfstæðiskvenna, svo lengi sem heilsa hennar entist, Sigríður sat í fulltrúaráði Landssambands sjálfstæðiskvenna og og tók sæti á Alþingi sem varamaður Eyjólfs Konráðs Jónssonar árið 1975, fyrst kvenna á Norðurlandi vestra. Sigríður bar hag Sjálfstæðiskvennafélagsins ætíð fyrir brjósti og var ávallt fús að leggja því lið.

Hún var dóttir hjónanna Guðvarðs Jakobssonar bifreiðastjóra í Reykjavík, f. 1900, d. 1959, og Oddrúnar Sigþrúðar Guðmundsdóttur, f. 1900, d. 1951,
elst af átta börnum þeirra hjóna.
Samfeðra: Gunnar Eyjólfsson leikari og fyrrum skátahöfðingi.
Hinn 1. júní 1950 giftist Sigríður Friðriki J. Friðrikssyni fyrrum héraðslækni á Sauðárkróki, f. 17. feb. 1923 í Reykjavík.
Fósturbarn þeirra er
1) Oddný Finnbogadóttir, f. 11. nóv. 1948, bókasafnsfræðingur á Sauðárkróki, gift Birni Friðriki Björnssyni og er hann kennari við Fjölbrautaskólann á Sauðárkróki.

IS HAH

Final

Full

GPJ 17.7.2017

• Icelandic

http://www.mbl.is/greinasafn/minningaleit/