Með Ragnheiði O. Björnsson er gengin væn og merk kona. Hún fæddist á jóladag árið 1896 og var því nýlega orðin níræð. Ragnheiður var dóttir hins mikla athafnamanns Odds Björnssonar prentsmiðjueiganda og konu hans, Ingibjargar Benjamínsdóttur. Hún var snemma mikil áhugamanneskja um hollustufæði og var raunar langt á undan samtíð sinnií skilningi á mikilvægi þess að borða grjón og baunir, gróf brauð, ávexti og grænmeti og kannski var hún fyrst hér til að skilja og framkvæma þessa svonefndu "makrobiotisku" fæðu, sem nú er svo ofarlega á blaði víða um lönd. Zontasystur voru vanar að borða saman einu sinni í mánuði á Hótel KEA, Ragnheiður lét bera sér hollustufæði, hvað svo sem var á boðstólum á meðan við hinar vorum enn í sósu-sulli og endalausu kjöti, því að fiskur þótti ekki hátíðamatur á þeim árum.

Ragnheiður O. Björnsson vann í Hannyrðaverslun Ágústu Svendsen í Reykjavík. Ragnheiður flutti norður til Akureyrar og setti á stofn sína eigin hannyrðaverslun, Verslun Ragnheiðar O. Björnsson, sem hún rak í áratugi.
Ragnheiður O. Björnsson var Zontakona af lífi og sál, enda var það hún, sem átti heiðurinn af því að undirbúa og koma í framkvæmd stofnun Zontaklúbbs Akureyrar og varð fyrsti formaður hans. Hann var formlega stofnaður þ. 2. júlí 1949.
Hún var í Náttúrulækningafélaginu, Sálarrannsóknarfélaginu, Kvenfélaginu Framtíðin, Kvenfélagi Akureyrarkirkju og Zontaklúbbi Akureyrar, sem hún og vinkona hennar, Arndís Björnsdóttir, leikkona, ásamt fáeinum öðrum konum stofnuðu.

Ragnheiður var eina dóttirin af fjórum börnum Odds Björnssonar (1865-1945), prentmeistara á Akureyri, og konu hans, Ingibjargar Benjamínsdóttur Björnsson (1859-1945), og það sem síðast kveður, þau skildu.
Börn þeirra voru: Björn Hannes Oddsson Björnsson (1895-1975) prestur, Ragnheiður Ingibjörg (1896-1987); Unnar Sigurður (1901-1975), Þór Gunnar Steindór (1904-1967).