Ragnar Magnús Auðunn Blöndal (1918-2010)

Ragnar Magnús Auðunn Magnússon Blöndal fæddist í Stykkishólmi hinn 29. júní 1918. Hann lést á Hjúkrunar- og dvalarheimilinu Kumbaravogi á Stokkseyri 15. september síðastliðinn. Útför Magnúsar fer fram frá Grensáskirkju í dag, 29. september 2010, og hefst athöfnin kl. 13.

Stykkishólmur: Litla-Gröf í Skagafirði: Siglufjörður:

Magnús var trésmíðameistari á Siglufirði, byggingafulltrúi hjá Bygginganefnd ríkisins og húsameistara ríkisins og síðar hjá framkvæmdadeild Innkaupastofnunar. Hann hafði fyrst og fremst eftirlit með skólabyggingum og sá um framkvæmdir við þær.

Foreldrar hans voru Magnús Benedikt Benediktsson Blöndal, hreppstjóri, oddviti, hafnarstjóri og settur sýslumaður, f. 19. nóvember 1856, d. 3. apríl 1920, og Guðný Björnsdóttir, f. 5. nóvember 1884, d. 31. júlí 1921.
Magnús ólst upp, eftir að foreldrar hans létust frá honum ungum, í Litlu-Gröf í Staðarhreppi í Skagafirði, hjá hjónunum Arngrími Sigurðssyni (1890-1968) og Sigríði Benediktsdóttur (1886-1948).
Magnús var yngstur í sínum systkinahópi. Systkini hans voru Arndís Sigríður (1875-1964), Þórhallur (1882) Stundaði nám í Noregi og Danmörk í tvö ár. Var síðan á Englandi en fluttist vestur um haf 1904. Var um skeið rakari í Kanada, en gegndi síðan herþjónustu. Sæmdur þremur heiðursmerkjum fyrir hraustlega framgöngu á vígvelli. Nefndi sig Thor Blöndal., Ingibjörg (1882) Fór til Vesturheims 1901 frá Hvammi, Áshreppi, Hún. Dó ógift í Ameríku, Benedikt Gísli (1883-1939, Trúnaðarmaður í Húsmæðraskólanum, Hallormsstað, Vallanessókn, S-Múl. 1930. Kennari við Búnaðarskólann á Eiðum, Alþýðuskólann á Eiðum og Húsmæðraskólann í Hallormsstað., Margrét Sigríður, Þórður Runeberg (1885-1949) Var á Kornsá, Undirfellssókn, Hún. 1890. Verslunarmaður á Sauðárkróki. Vinnumaður á Sævarlandi, Hvammssókn, Skag. 1910. Bóndi á Sævarlandi í Laxárdal ytri, Skag. Verslunarmaður á Sauðárkróki, Ragnheiður (1888-1908) Reykjavík, Guðfinna Jónína, Elín Sigríður, Hulda Líney (1907-1989) Var í Stykkishólmi, Snæf. 1920. Húsfreyja á Laugavegi 147, Reykjavík 1930. Húsfreyja í Reykjavík 1945. Síðast bús. í Reykjavík og Tryggvi Gunnar (1914-2006) Skipstjóri hjá Skipaútgerð ríkisins, síðast bús. í Hafnarfirði..
Magnús kvæntist 4. júlí 1942 Ingiríði Jónasdóttur, f. 9. október 1920, frá Eiðstöðum í Blöndudal. Hún lést 8. mars 2005.
Börn þeirra eru: 1) Jónas Blöndal, kvæntur Sigríði G. Blöndal. Börn þeirra eru Magnús, Hjörtur og Inga. 2) Arnþór Blöndal, kvæntur Maríu G. Blöndal. Börn þeirra eru Gunnar, Björn Auðunn og Guðrún Elísabet. 3) Sigurður Blöndal, kvæntur Berglindi Bjarnadóttur, d. 9. maí 2010. Börn þeirra eru Indriði Hrannar og Bjarndís Helga. Fyrir átti Sigurður Elísabetu Ósk, Bjarka og Sólveigu Hrönn. Berglind átti fyrir Söndru. Langafabörn Magnúsar eru 16 talsins.

GPJ 12.7.2017

• Icelandic

http://www.mbl.is/greinasafn/minningaleit/