Person

Ragnar Karlsson (1942-2005) Raflagnamaður Blönduósi um 1970

22.4.1942 - 18.1.2005

Ragnar Karlsson fæddist í Reykjavík 22. apríl 1942. Hann lést 18. janúar 2005.
Ragnar var ágætur námsmaður, mikill grúskari og gat endalaust sökkt sér niður í hin margvíslegustu verkefni innan og utan skólans.
Útför Ragnars fór fram í kyrrþey.

Foreldrar hans; Karl Guðmundsson 30. des. 1898 - 15. apríl 1977. Raflagningamaður á Kárastíg 8, Reykjavík 1930. Rafvélavirkjameistari og sýningarstjóri í Tjarnarbíoi, síðast bús. í Reykjavík og kona hans; Margrét Tómasdóttir 31. maí 1899 - 5. nóv. 1982. Húsfreyja á Kárastíg 8, Reykjavík 1930. Ljósmóðir í Árnessýslu og Viðey. Síðast bús. í Reykjavík.

Systkini Ragnars eru:
1) Ásta Guðrún Karlsdóttir 6. okt. 1926 - 12. jan. 1992. Var á Kárastíg 8, Reykjavík 1930. Fulltrúi í Reykjavík. Síðast bús. í Reykjavík.
2) Guðmundur Karlsson 2. okt. 1927 - 15. júní 1999. Var á Kárastíg 8, Reykjavík 1930. Kerfisfræðingur, síðast bús. í Garðabæ.
3) Hrefna Sigríður Karlsdóttir 25. jan. 1930 - 25. maí 2015. Var á Kárastíg 8, Reykjavík 1930. Verslunarstarfsmaður í Reykjavík.
4) Anna Kristjana Karlsdóttir 2. jan. 1932 - 5. jan. 1994. Framkvæmdastjóri, síðast bús. í Kópavogi.
5) Margrét Björk Kristinsdóttir 15. jan. 1933 - 13. júlí 1977. Húsfreyja í Reykjavík. Kjörforeldrar: Kristinn Guðmundsson, f. 14.10.1897, d. 30.4.1982 og Elsa Alma Guðmundsson Kalbow, f. 16.9.1889, d. 7.3.1982.
6) Kristinn Karlsson f. 18.2. 1935, vélvirki í Reykjavík;
7) Tómas Karlsson 20. mars 1937 - 9. mars 1997. Lögfræðingur og blaðamaður, síðast bús. í Kópavogi.
8) Einar Karlsson 7. mars 1939 - 23. júní 1999.

Sonur hans;
1) Iro Auriola, sem nú er 36 ára, lögfræðingur í Helsinki. Móðir hans er Eila Auriola.

Ragnar var tæplega tvítugur þegar hann lenti í alvarlegu vinnuslysi hjá línudeild Rafmagnsveitna ríkisins. Hann var að störfum uppi í rafmagnsstaur, en féll niður eftir að hafa snert við streng, sem rafmagn reyndist á. Þetta slys olli algjörum umskiptum í lífi hans og eftir það þyngdist fyrir fæti. Hann reyndi sannarlega að ná sér á skrið aftur, stundaði meðal annars menntaskólanám og fór í lýðháskóla í Noregi, en þrátt fyrir afburðagáfur á sviði stærðfræði og eðlisfræði var eins og úthaldið skorti, þegar mikið lá við. Bakkus var einnig farinn að trufla áralagið hjá honum, en sem betur fer komu nokkur góð ár á milli. Hvernig sem á stóð hjá Ragga hætti hann aldrei að hugsa um stærðfræðina, og í uppstyttum undi hann löngum stundum við skriftir um þetta hugðarefni sitt. Hann var einnig ljóðelskur og orti ljóð bæði á sænsku og íslensku.

Final

Full

GPJ 31.3.2020. Innsetning og skráning

• Icelandic

®GPJ ættfræði https://www.mbl.is/greinasafn/grein/842070/?item_num=3&searchid=fe9e69944d4e210dee49e2006ec74b88fb7db6f0