Einstaklingur

Óskar Ágústsson (1920-2011)

• Óskar Ágústsson (1920-2011) Laugum

8.11.1920 - 27.7.2011

Óskar Ágústsson, íþróttakennari á Laugum í Suður- Þingeyjarsýslu, fæddist 8. nóvember 1920. Hann lést 27. júlí 2011, á 91. aldursári.
Óskar fæddist að Brú í Stokkseyrarhreppi en ólst upp í Sauðholti í Ásahreppi í Rangárvallasýslu. Útför Óskars Ágústssonar fer fram frá Hallgrímskirkju í dag, 9. ágúst 2011, og hefst athöfnin kl. 13.

Brú í Stokkseyrarhreppi: Sauðholt í Ásahreppi í Rangárvallasýslu:

Óskar stundaði nám við Héraðsskólann á Laugarvatni og við Íþróttakennaraskóla Íslands:

Hann hóf kennsluferil sinn aðeins 21 árs að aldri. Hann var einn fyrsti farandkennari UMFÍ og ÍSÍ, kenndi sem slíkur um þriggja ára skeið og hélt námskeið víða um land. Óskar ferðaðist milli skóla landsins og kynnti sér kennsluhætti, svo og nýjungar í íþróttakennslu í Sönderborg og Ollerup í Danmörku og lýðháskóla í Noregi og sótti fjölda námskeiða. Óskar á Laugum var þjóðþekktur maður. Hann var íþróttakennari á Laugum í Suður-Þingeyjarsýslu frá 1944-1985, rak ásamt konu sinni Hótel Laugar fyrir skólanefnd Laugaskóla í fjörutíu sumur eða til ársloka 1989 og var póstmeistari á Laugum í tuttugu ár. Þá ráku þau hjónin verslun á Laugum frá árinu 1950 til ársins 1984. Einnig átti Óskar og rak Hótel Akureyri um tíma. Óskar tók þátt í margskonar félagsstarfsemi og gegndi ýmsum trúnaðarstörfum á starfsferlinum. Hann var stofnfélagi Lionsklúbbsins Náttfara. Þekktust er um tuttugu ára formennska hans í Héraðssambandi Suður-Þingeyinga, en auk hennar gegndi hann ýmsum öðrum félags- og trúnaðarstörfum, einkum á sviði íþrótta. Hann var framkvæmdastjóri 11. landsmóts UMFÍ á Laugum 1961, en framkvæmd þess varð fyrirmynd að framkvæmd síðari landsmóta, sat í varastjórn UMFÍ 1965-73, sat í ferðanefnd Félags eldri borgara í Reykjavík 1992 og í varastjórn félagsins um skeið. Óskar hlaut margar viðurkenningar fyrir störf sín. Hann var sæmdur gullmerki Frjálsíþróttasambands Íslands 1964, heiðursorðu Íþróttasambands Íslands 1970, starfsmerki Ungmennafélags Íslands 1971, gullmerki UMFÍ 1976 og gullmerki Sundsambands Íslands 2010. Hann var gerður að heiðursfélaga Íþróttasambands Íslands árið 1980. Þá var hann sæmdur riddarakrossi hinnar íslensku fálkaorðu 17. júní 1996 fyrir störf að íþrótta- og æskulýðsmálum.

Foreldrar Óskars voru Ágúst Jónsson, f. 5.8. 1877, bóndi í Sauðholti í Holtum í Rangárvallasýslu, og k.h., María Jóhannsdóttir, f. 9.3. 1880, húsfreyja.
Bróðir Óskars á lífi er Sigurjón, fyrrv. deildarstjóri í Ríkisendurskoðun. Systkinin voru þrettán, en 11 komust á legg.
Óskar kvæntist 18.9. 1948 eftirlifandi eiginkonu sinni, Elínu Friðriksdóttur, f. 8.8. 1923, hússtjórnarkennara. Hún er dóttir Friðriks Kristjáns Hallgrímssonar, f. 14.1. 1895, bónda að Sunnuhvoli í Blönduhlíð, og k.h., Unu H. Sigurðardóttur, f. 25.10. 1898, húsfreyju.
Börn Óskars og Elínar eru:
1) Ágúst f 13. maí 1949, maki Helga Sigurðardóttir, börn: a) Óskar Örn, maki Ásta Sigurðardóttir, synir; Ágúst Páll og Sigurður Orri, b) Silja Rán, maki Eggert Akerlie, synir Tómas Helgi og Einar Alex og c) Heiðar Reyr, maki Davíð Terrazas.
2) Hermann f 7. febrúar 1951, maki Karín M. Sveinbjörnsdóttir, börn: a) Árni Þór, maki, Hildur Elísabet Ingadóttir dætur; Sóldís Lilja og Glódís Hera, b) Harpa Ýr, sonur hennar og Halldórs Víglundssonar; Víglundur Hinrik, c) Arnar Freyr og d) Sylvía Ósk. Kjörsonur: Arnar Freyr Hermannsson, f. 28.4.1985.
3) Knútur f. 23. febrúar 1952, maki Guðný Jónsdóttur, dætur: a) Heiða Berglind, maki Ásþór Sigurðsson börn; Arnór Breki, Eva Rut og Sara Dögg, b) Tinna Elín, maki Snorri Laxdal Karlsson, dætur; Heiðrún Sunna og Katrín Lára, c) Edda Rún, maki Ísleifur Örn Sigurðsson, dóttir; Guðný Magnea, d) Jana Katrín, maki Magnús Pálsson, dóttir; Aníta Líf.
4) Una María f. 19. september 1962, maki Helgi Birgisson, börn: a) Eín Ósk, maki Kári Hólmar Ragnarsson, b) Birgir Ólafur og c) Diljá.

IS HAH

Loka

Fullt

GPJ 10.7.2017

• íslenska

http://www.mbl.is/greinasafn/minningargreinar/