Þorvaldur Þorvaldsson (1913-2006) Sauðárkróki

Þorvaldur Þorvaldsson fæddist á Mörk í Laxárdal hinn 5. september 1913. Hann lést á Dvalarheimili aldraðra á Sauðárkróki hinn 4. júlí 2006. Þorvaldur bjó mestan hluta ævi sinnar á Sauðárkróki.
Útför Þorvaldar var gerð frá Sauðárkrókskirkju.

Mörk á Laxárdal:

Hann rak framan af Bifreiðastöð Sauðárkróks ásamt Birni Guðmundssyni en mestan hluta ævi sinnar rak hann verslunina Vísi á Sauðárkróki. Þorvaldur var gæddur listrænum hæfileikum, söng m.a í kirkjukór Sauðárkróks í yfir 40 ár og lék með Lúðrasveit Sauðárkróks og hafði mikið yndi af allri tónlist og var ávallt hrókur alls fagnaðar. Þorvaldur var einnig hestamaður af lífi og sál og átti hann margan gæðinginn.

Foreldrar hans voru hjónin Þorvaldur Guðmundsson kennari og hreppstjóri á Sauðárkróki, f. 13.10. 1883, d. 10.10. 1961, og Ingibjörg Salome Pálmadóttir húsfreyja, f. 7.11. 1884, d. 21.4. 1957 frá Ytri-Löngumýri, systir Jóns Pálmasonar á Akri. Þeim Þorvaldi og Salóme varð fjögurra barna auðið og var Þorvaldur næstelstur þeirra.
Systkini hans voru:
1) Svavar Dalmann Þorvaldsson bifreiðastjóri í Reykjavík, kvæntur Dagrúnu Halldórsdóttur, þau eru bæði látin,
2) Ingibjörg Börge Hillers húsfreyja á Selfossi, gift Börge Hillers, þau eru bæði látin,
3) Guðbjörg Þorvaldsdóttir húsfreyja í Reykjavík, áður í sambúð með Sveini Guðmundssyni, en giftist síðar Erlendi Þórðarsyni, þau slitu samvistum. Guðbjörg er einnig látin.

Kona Þorvaldar var Hulda Jónsdóttir húsfreyja á Sauðárkróki, f. 2.6. 1914, d 9.1. 1992.
Börn Þorvaldar og Huldu eru:
1) Erla, f. 1933, d. 12.6. 1935,
2) Hreinn Þorvaldsson f. 5. júní 1937 - 17. febrúar 2006. Síðast bús. á Sauðárkróki. Hreinn kvæntist 25.10.1960 Guðrúnu Þrúði Vagnsdóttur f. 16. janúar 1939 - 23. maí 2007, frá Minni-Ökrum
3) Erla Gígja, f. 13.2. 1939, gift Jónasi Þór Pálssyni f. 15. apríl 1930 - 28. nóvember 2016 Syðri-Hofdölum, Viðvíkursókn, Skag. 1930. Málarameistari á Sauðárkróki.
Dóttir Þorvaldar er
4) Sigurlaug Alda Þorvaldsdóttir, f. 5.1. 1944, gift Ólafi Arnarssyni. Móðir hennar var Hallfríður Gunnarsdóttir f. 15. apríl 1907 - 21. nóvember 1982. Var á Máná í Húsavíkursókn, S-Þing. 1930. Síðast bús. á Akureyri.

GPJ 19.7.2017

• Icelandic

®GPJ ættfræði
Íslendingabók
ÆAHún bls 1118
mbl 14.7.2006. https://www.mbl.is/greinasafn/grein/1092666/?item_num=7&searchid=7f6fcfa8db820baa104d3a5cf2fa6e4ac6369081