Einstaklingur

Lúðvík Kristjánsson (1910-2001)

• Lúðvík Kristjánsson (1910-2001) Steinholti

30.6.2010 - 10.2.2001

Lúðvík Kristjánsson var fæddur í Ásbúðum á Skaga 30. júní 1910. Hann andaðist á Héraðshælinu á Blönduósi laugardaginn 10. febrúar síðastliðinn. Ungur flutti Lúðvík inn á Skagaströnd þar sem hann bjó og starfaði alla sína ævi. Lúðvík var aðeins 12 ára þegar hann missti föður sinn, hann byrjaði því mjög ungur að vinna og starfaði hann bæði til lands og sjávar eins og algengt var á þessum árum. Hann var eftirsóttur til vinnu enda harðduglegur og útsjónarsamur. Lúðvík bjó einn í Steinholti eftir að börnin voru flutt að heiman. Þar var snyrtimennskan ávallt í fyrirrúmi og vel hugsað fyrir öllu. Síðustu árin, eða frá hausti 1998, dvaldi Lúðvík á Héraðshælinu á Blönduósi.
Útför Lúðvíks verður gerð frá Hólaneskirkju á Skagaströnd í dag og hefst athöfnin klukkan 14.

Ásbúðir á Skaga: Steinholt á Skagaströnd:

Lengst af starfaði hann í skipasmíðastöðinni hjá frænda sínum Guðmundi Lárussyni. Hann vann einnig í frystihúsinu hjá Síldarverksmiðju ríkisins á Skagaströnd og við ýmis önnur störf.

Foreldrar hans voru hjónin Sigurbjörg Sigurbjarnardóttir, f. á Akureyri 27. apríl 1872 , d. 31. desember 1965, og Kristján Kristjánsson, f. á Knútsstöðum í Suður-Þingeyjarsýslu 13. júlí 1853, d. 22. mars 1922.
Sigurbjörg og Kristján bjuggu á Björgum í sömu sýslu 1898-1900. Þau fluttu vestur á Skagaströnd og bjuggu á Bakka 1903-1907 og í Ásbúðum 1907 til 1911 er þau fluttu aftur að Bakka.
Sigurbjörg og Kristján eignuðust 12 börn. Tvö dóu í æsku en tíu komust til fullorðinsára: Hólmfríður Björg, f. 1897; Sigurlaug, f.1899; Lára, f. 1901; Henry, f. 1903; Karl, f. 1904; Sigurbjörn, f. 1906; Eðvarðsína, f. 1908; Lúðvík, f. 1910; Elísabet, f. 1912; Kári, f. 1914. Lúðvík lifði systkini sín öll.
Lúðvík kvæntist 5. júlí 1941 Pálínu Sigríði Frímannsdóttur frá Jaðri á Skagaströnd, f. 27. nóvember 1916, d. 5. júlí 1962. Foreldrar hennar voru hjónin Kristín Pálsdóttir og Frímann Finnsson. Lúðvík og Sigríður bjuggu allan sinn búskap á Skagaströnd.
Börn þeirra eru fjögur:
1) Frímann, f. 1941, kvæntur Kristínu M. Jónasdóttur, þau eiga þrjú börn. Fyrir átti Frímann eina dóttur.
2) Kristinn, f. 1944, kvæntist Elísabeth Bjarnarson, þau skildu, þau eiga þrjár dætur. Fyrir átti Kristinn einn son.
3) Kristín, f. 1946, gift Gunnari Kr. Guðmundssyni, þau eiga tvö börn.
4) Karl, f. 1951, kvæntur Önnu Báru Sigurjónsdóttur, þau eiga tvö börn, fyrir átti Karl tvær dætur og Anna Bára einn son sem Karl ættleiddi.
Barnabörnin eru 14 og barnabarnabörn 10.

Finnur Björgvin Frímannsson (1909-1969) (23.8.1909 - 18.3.1969)

Frímann Lúðvíksson (1941) (28.4.1941 -)

HAH01722

IS HAH

Loka

Fullt

GPJ 4.7.2017

• íslenska

http://www.mbl.is/greinasafn/minningaleit/