Fyrirtæki/stofnun

Löðmundarvatn

(1950)

Löðmundarvatn er tæpur km2 að stærð á fallegum og gróðursælum stað, rétt austan Landmannahellis. Vatnið er í 590 metra hæð og nýtur skjóls af Löðmundi sem gnæfir yfir því í norðri. Ásarnir vestan og austan við vatnið leggja sitt að mörkum til að skýla veiðimönnum fyrir golu úr þeim áttum þannig að oft er veðursælt við vatnið. Akfært er að því að vestan, næstum alveg inn að Löðmundi.
Í vatninu er nær eingöngu bleikja, oft frekar smá en hefur verið að koma til hin síðari ár. Þessu vatni eins og öðrum á svæðinu hættir til að vera ofsetið bleikju og nokkrar tilraunir hafa verið gerðar til að grisja það með misjöfnum árangri. Reynt hefur verið að sleppa urriðaseiðum í það og fyrir kemur að einn og einn slíkur slæðist á land en urriðinn hefur átt afar erfitt í samkeppninni við bleikjuna. 2014 voru færðir til bókar 3 urriðar á móti 97 bleikjum. Vísast eru urriðarnir í vatninu stórir og stæðilegir, í það minnsta hef ég gengið fram á einn slíkan í flæðarmálinu sem væntanlega hefur ekki lifað af tilraun til sleppingar eða drepist úr ofáti.

Landmannaafréttur; Rangárvallasýsla; Landmannahellir; Landmannalaugar; Löðmundur; Helliskvísl; Rauðfossakvíslar; Rauðfossafjöll; Litlhöfði; Kringlan; Sauðleysur; Rauðfossar; Mógilshöfðum; Svalaskarð; Lambafit; Hrafnabjörg:

Löðmundarvatn Landmannaafréttur

Loka

Fullt

GPJ 26.2.2019

• íslenska

https://fos.is/votnin/lodmundarvatn/
Úr sögu Helliskvíslar – Náttúrufræðingurinn, 1. Tölublað (01.04.1953), Bls. 1-13. http://timarit.is/view_page_init.jsp?gegnirId=000526354