Einstaklingur

Kristrún Magnúsdóttir Waage (1942-2011) Gleráskógum, Dalas.

• Kristrún Helga Magnúsdóttir Waage (1942-2011) Gleráskógum, Dalas.

• Kristrún Wagge (1942-2011) Gleráskógum, Dalas.

17.10.1942 - 10.10.2011

Kristrún Helga Magnúsdóttir Waage var fædd 17. október 1942, að Glerárskógum í Dalasýslu. Kristrún ólst upp í Glerárskógum við almenn sveitastörf.

Hún lést 10. október 2011. Útför Kristrúnar fór fram frá Árbæjarkirkju á afmælisdegi hennar 17. október 2011 og hófst athöfnin kl. 13. Jarðsett var í Hvammskirkjugarði í Dölum daginn eftir.

Gekk í barnaskólann að Laugum í Sælingsdal. 1959 til '60 stundaði hún nám í Kvennaskólanum á Blönduósi. Síðan var hún einn vetur í Héraðsskólanum í Reykholti til undirbúnings fyrir Samvinnuskólann að Bifröst. Þar stundaði hún nám í tvo vetur.

Kristrún og Viðar byrjuðu búskap í Glerárskógum 1966 með foreldrum hennar. 1970 fluttu þau til Reykjavíkur, þar sem Kristrún byrjaði að vinna á skrifstofu SÍS en síðan á skrifstofu Áburðarverksmiðjunnar í Gufunesi. 1979 fluttu þau aftur vestur í Dali. Kristrún vann á skrifstofu Kaupfélags Hvammsfjarðar, fyrst sem fulltrúi og síðan kaupfélagsstjóri til 1984 þegar þau fluttu til Reykjavíkur á ný. Kristrún byrjaði að vinna aftur á skrifstofu Áburðarverksmiðjunnar en síðan á skrifstofu Osta- og smjörsölunnar þar sem hún vann þar til sameining varð við Mjólkursamsöluna. Eftir það vann hún nokkra mánuði á skrifstofu verktakafyrirtækisins Jarðvélar.

Kristrún hafði áhuga á dulrænum málefnum og stundaði um tíma nám í Sálarrannsóknarskólanum. Kristrún greindist með krabbamein í brjósti 2004 og gekk þá í gegnum erfiða læknismeðferð sem virtist skila þeim árangri að sigur hefði unnist. En fyrir um einu og hálfu ári uppgötvaðist að krabbamein hafði aftur búið um sig. Þrátt fyrir æðruleysi og hetjulega baráttu hennar, lækna og hjúkrunarfólks, tapaðist baráttan. Kristrún lá síðustu þrjár vikurnar á Landspítalanum, deild 11E þar sem hlúð var að henni af stakri prýði.

Foreldrar; Magnús Sigurbjörnsson 23. apríl 1910 - 19. okt. 1985. Vinnumaður í Glerárskógum, Hvammssókn, Dal. 1930. Bóndi í Glerárskógum í Hvammssveit, Dal. og kona hans 19.9.1941; Eðvaldína Magney Kristjánsdóttir 8. ágúst 1913 - 15. nóv. 2011. Vinnukona á Hólum, Hvammssókn, Dal. 1930. Húsfreyja að Glerárskógum í Hvammssveit, síðast bús. í Reykjavík.

Systur hennar;
1) Björk f. 19. febrúar 1947. Maki: Steinar Tómas Karlsson. Börn þeirra: a) Magnús Helgi, maki Margrét Th. Friðriksdóttir. Börn þeirra: Hlynur Ingi, Steinar Friðrik og Ína Magney. b) Kristján Hörður, maki: Bergþóra Linda Húnadóttir. Börn þeirra: Ísabella Eir og Emilý Björk. Dóttir Kristjáns: Þorbjörg Elísabet.
2) Bjarnheiður, f. 31. janúar 1951. Maki: Steingrímur S. Eiríksson, þau skildu. Börn þeirra: a) Harpa Sigríður, sambýlismaður Ólafur Karel Jónsson. Börn Hörpu Sigríðar: Arnar Óli og Steinar Ingi. b) Helga Ína, sambýlismaður Geir Guðjónsson. Barn þeirra: Steingrímur Geir.

Maður hennar 1966; Viðar Guðmundsson Waage 13.6.1941. Reykjavík
Synir þeirra;
1) Bjarki 6. janúar 1969. Bjarki á Hinrik Viðar með barnsmóður sinni Svövu Þóru Hinriksdóttur og Viktor Snæ og Marín Mjöll með Lindu Dröfn Grétarsdóttur. Sambýliskona hans nú er Sveinbjörg Ólafsdóttir.
2) Smári 22. nóvember 1975. Hann er giftur Maríu Sunnu Einarsdóttur og eiga þau Daníel, Katrínu Ósk og Davíð Emil.

Kvennaskólinn á Blönduósi 1951-1960 (1951 - 1960)

Reykholtsskóli (1931-1997) Borgarfirði / Snorrastofa

Björk Magnúsdóttir (1947) Glerárskógum í Dalasýslu (19.2.1947 -)

HAH08320

IS-HAH

Að venju eru upplýsingar frá Íslendingabók notaðar, ef þær stangast á við aðrar upplýsingar er þeim bætt við innan hornklofa [ ], ekki er tekin afstaða til mismunandi upplýsinga.

Loka

Fullt

GPJ skráning 16.10.2023

• íslenska

Íslendingabók
mbl 17.10.2011. https://www.mbl.is/greinasafn/grein/1396476/?item_num=3&searchid=c514d7942824b4f7dec1d2f209658e04557b3768&t=997564849&_t=1697480431.9914649
mbl 26.11.2011. https://www.mbl.is/greinasafn/grein/1401638/?item_num=1&searchid=4ac2e25ba291727d9f5b76f6cf2b34b66861ad1b