Einstaklingur

Jóna Sigríður Sveinbjarnardóttir (1912-2005)

• Jóna Sigríður Sveinbjarnardóttir (1912-2005) frá Bjargarstöðum í Miðfirði

14.9.1912 - 18.7.2005

Jóna Sigríður Sveinbjarnardóttir fæddist á Bjargarstöðum í Miðfirði hinn 14. september 1912. Hún lést á Hjúkrunarheimilinu Eir mánudaginn 18. júlí síðastliðinn. Jóna ólst upp á Bjargarstöðum og stundaði nám við húsmæðraskólann á Blönduósi 1935-1936. Jóna og Ólafur hófu síðan búskap sinn á Bjargarstöðum í Miðfirði. Árin 1942-1944 bjuggu þau á Akureyri en fluttust þá í Mosfellssveit og stofnuðu ásamt fleirum nýbýlið Hamrafell. Þar var hún húsfreyja í nær 50 ár en stundaði ávallt ýmis störf utan heimilis. Hún tók virkan þátt í starfi Kvenfélags Lágafellssóknar og sat í sóknarnefnd um árabil. Á Hvítasunnu árið 1992 fluttust þau á Dvalarheimili aldraðra á Hlaðhömrum í Mosfellsbæ. Síðasta eina og hálfa árið dvaldist Jóna á Hjúkrunarheimilinu Eir.

Útför Jónu fer fram frá Lágafellskirkju í dag og hefst athöfnin klukkan 13.

Bjargarstaðir í Miðfirði: Akureyri 1942: Hamrafell í Mosfellssveit 1945-1992:

Kvsk á Blönduósi 1935-1936:

Jóna var dóttir hjónanna Sigríðar Guðmundsdóttur, f. 25.8. 1885, d. 11.1. 1970 og Sveinbjörns Benediktssonar, f. 2.5. 1873, d. 13.7. 1941.
Systkini Jónu voru Sesselja Margrét, f. 4.5. 1906, d. 27.8. 1985, Guðmundur, f. 17.2. 1908, d. 23.8. 1981, Guðný, f. 28.7. 1909, lést í frumbernsku og Benedikt, f. 4.3. 1915, d. 29.12. 1989.
Jóna giftist hinn 15.8. 1937 Ólafi Helgasyni frá Hnausakoti í Miðfirði, f. 30.5 1909, d. 21.3. 1999. Foreldrar hans voru Helgi Jónsson, bóndi í Hnausakoti og Ólöf Jónsdóttir frá Hömrum í Þverárhlíð.
Dætur þeirra eru:
1) Sigríður Birna hjúkrunarfræðingur, f. 2.5 1941. Maki Ingimar S. Hjálmarsson læknir. Synir þeirra eru: a) Finnur líffræðingur, f. 20.6 1967. Maki Kolbrún Guðjónsdóttir. Börn þeirra eru Sigmar Jósep, Katrín Rós og Ingibjörg Sólveig. b) Ólafur læknir, f. 12.5 1970. Maki María Pálsdóttir. Sonur þeirra er Úlfur. c) Hjálmar lögreglumaður, f. 18.5 1976. Maki Elísa Hörn Ásgeirsdóttir. Dóttir þeirra er Svanhildur Sól.
2) Guðný Margrét lyfjafræðingur, f. 29.4 1953. Maki Elías Ingvarsson verkstjóri. Dætur þeirra eru Ólöf Jóna læknanemi, f. 20.8 1982, og Sigríður Birna læknanemi, f. 20.8 1982, maki Daniel Helgi Reynisson.

IS HAH

Loka

Fullt

GPJ 27.6.2017

• íslenska

http://www.mbl.is/greinasafn/minningaleit/