Einstaklingur

Jóna Anna Sigurðardóttir (1940-2013)

• Jóna Anna Sigurðardóttir (1940-2013) sjúkraliði

18.4.1940 - 13.2.2013

Jóna Anna Sigurðardóttir fæddist í Köldukinn í Dalasýslu 18. apríl 1940. Hún lést á Landspítalanum í Reykjavík 13. febrúar síðastliðinn. Anna ólst upp í Köldukinn, en flutti að heiman á unglingsárum til Reykjavíkur og vann þar ýmis störf. Hún lauk prófi frá Húsmæðraskólanum á Blönduósi og útskrifaðist sem sjúkraliði árið 1966. Anna starfaði stærstan hluta starfsævinnar á Landspítalanum, lengst af á gjörgæsludeild, en lauk starfsferlinum á barnadeildinni. Anna og Einar bjuggu við Hrísateig í Reykjavík í tæp 40 ár en fluttu að Suðurlandsbraut 62 árið 2010.
Útför Önnu fer fram frá Langholtskirkju í dag, 28. febrúar 2013, og hefst athöfnin kl. 13.

Kaldakinn í Dölum:

Kvsk á Blönduósi. Sjúkraliði 1966:

Anna starfaði stærstan hluta starfsævinnar á Landspítalanum, lengst af á gjörgæsludeild, en lauk starfsferlinum á barnadeildinni:

Foreldrar hennar voru Sigurður Jónsson, bóndi í Köldukinn, f. 1914 og Anna María Jakobsen, f. 1917.
Anna á einn albróður, Karl Arne, f. 1942. Auk þess á hún fjögur hálfsystkini, samfeðra, en þau eru: 1) Árni, f. 1949, 2) Hjörtur Egill, f. 1952, 3) Ingunn, f. 1954, 4 ) Jón Óli, f. 1965.
Eiginmaður Önnu er Einar Haukur Kristjánsson, f. 1930. Foreldrar hans voru Sigríður Karitas Gísladóttir, húsmóðir og bóndi, og Kristján Ágúst Kristjánsson, bóndi og skjalavörður Alþingis.
Dóttir Önnu og Einars er
1) Lilja Rós, f. 1974, sambýlismaður hennar er Árni Claessen, f. 1974, þau eiga tvö börn: 1. Önnu Rós, f. 2008 og óskírðan dreng, f. 2012.

IS HAH

Loka

Fullt

GPJ 27.6.2017

• íslenska

http://www.mbl.is/greinasafn/minningaleit/