Person

Jón Ólafsson lærði (1731-1811) ritari Árnanefndar í Kaupmannahöfn

• Jón Ólafsson Hypnonesius (1731-1811) ritari Árnanefndar í Kaupmannahöfn

24.6.1731 - 18.6.1811

Handritafræðingur í Kaupmannahöfn. Ókvæntur og barnlaus. „Stúderaði utanlands“, segir Espólín. „Valmenni, prýðilega að sér og vel metinn“, segir í Eylendu.
Jón kallaði sig á stundum Hypnonesius, sem er gríska og merkir Svefneyingur. Danir kölluðu hann hinn lærða Íslending.
Páll Eggert Ólason segir um Jón: „Hann var valmenni, prýðilega að sér og vel metinn“.

Hann dó í Kaupmannahöfn.

Jón var tekinn í Skálholtsskóla 1747 og varð stúdent 1752. Hann fór til Kaupmannahafnar haustið 1753 og lauk námi í heimspeki 1756. Hann tók guðfræðipróf 1765, en hafði áður fengið mikinn áhuga á íslenskum fræðum.

Hann einbeitti sér nú að þeim og varð styrkþegi Árnasjóðs 1768.
Jón var lengi ritari Árnanefndar og aðalmaður eða öldungur í stúdentafélagi Íslendinga í Kaupmannahöfn, sem hét „Sakir“.

Hann fékk síðar 400 ríkisdala styrk til að vinna að útgáfu rita Snorra Sturlusonar, og varð sú vinna grunnur að útgáfu þeirri á Heimskringlu sem kennd er við Norðmanninn Gerhard Schöning og hóf að koma út 1777. Jón átti mikinn þátt í útgáfu á fleiri ritum, til dæmis Landnámabók 1774, Hungurvöku 1778 og Sæmundar-Eddu sem hóf að koma út 1787. Þá þýddi hann á dönsku Sverris sögu, sem kom út 1813.

Foreldrar Jóns voru Ólafur Gunnlaugsson bóndi í Svefneyjum og Ragnhildur Sigurðardóttir frá Brjánslæk.

Bræður hans;
1) Eggert Ólafsson (1726–1768), skáld og náttúrufræðingur,
2) Magnús Ólafsson (1728–1800) lögmaður, faðir Finns leyndarskjalavarðar
3) Jón Ólafsson yngri (um 1738–1775).

IS HAH

Final

Full

GPJ 28.2.2020

• Icelandic

®GPJ ættfræði