Jóhannes Haraldsson fæddist á Völlum í Skagafirði 28. maí 1928. Hann lést á sjúkrahúsi Skagfirðinga á Sauðárkróki 11. janúar 2011. Jóhannes nam við Héraðsskólann á Laugarvatni tvo vetur. Ungur að árum eignaðist hann vörubíl og stundaði vinnu í vegagerð á sumrin, en gerðist síðan starfsmaður Vegagerðar ríkisins og vann sem veghefilsstjóri í Skagafirði í 41 ár. Síðustu árin átti hann við veikindi að stríða og dvaldist á sjúkrahúsinu á Sauðárkróki.
Jóhannes verður jarðsunginn frá Sauðárkrókskirkju í dag, 20. janúar 2011, og hefst athöfnin kl. 11.

Foreldrar hans voru Haraldur Jónasson, f. 9. ágúst 1895 á Völlum, d. 30. apríl 1978, og kona hans Ingibjörg Bjarnadóttir, f. 5. febrúar 1892 á Fjalli í Kolbeinsdal, d. 1. júlí 1975.
Systkini Jóhannesar eru: Jónas, f. 15.11. 1919, d. 5.8. 1988, Friðrik, f. 1.11. 1920, d. 17.1. 1922, og Þórunn, f. 10.9. 1922, d. 3.12. 1958.
Jóhannes kvæntist eftirlifandi eiginkonu sinni Guðveigu Þórhallsdóttur, f. 23. maí 1929, frá Litlu-Brekku á Höfðaströnd 25. júlí 1953, þau stofnuðu nýbýlið Sólvelli úr landi Valla 1957 og hafa búið þar alla tíð.
Jóhannes og Guðveig eignuðust sex börn, en þau eru:
1) Ingibjörg, f. 19. sept. 1948, maki Vilhjálmur Pálmason.
2) Anna, f. 10. júlí 1956, maki Þórólfur Pétursson.
3) Bjarni, f. 15. júní 1961, maki Helena Gunnarsdóttir. 4) Haraldur, f. 12. apríl 1963, maki Andrea Andrésdóttir.
5) Þórhallur, f. 12. apríl 1963, maki Guðrún Inga Sigurðardóttir.
6) Ástvaldur, f. 13. nóv. 1966, maki Ásdís Pálsdóttir.
Auk þess ólu þau upp dótturson sinn son Ingibjargar:
Jóhannes Þór Sigurðsson, f. 6. okt. 1968, maki Hulda Ólafsdóttir.