Einstaklingur

Jónína Sigurveig Guðmundsdóttir (1916-2006) kennslukona

8.11.1916 - 8.6.2006

Jónína Sigurveig Guðmundsdóttir fæddist á Víkingavatni í Kelduhverfi 18. nóvember 1916. Jónína var ógift og barnlaus.
Hún lést á Landspítala í Fossvogi 8. júní 2006. Útför Jónínu var gerð í kyrrþey 15. júní 2006.

Jónína stundaði nám við Kvennaskólann á Blönduósi 1931-1932, Héraðsskólann á Laugarvatni og Húsmæðraskólann á Laugum. Hún nam hannyrðir, kjólasaum og vefnað á Norðurlöndunum á árunum 1938-1940.
Jónína stundaði nám í Handarbetets Vänner, Seminariet í Stokkhólmi 1946-1948.

Hún kenndi við Húsmæðraskólann á Ísafirði 1940-1944, þar af var hún skólastjóri í tvö ár.
Hún kenndi handavinnu við Hússtjórnarskóla Suðurlands á Laugarvatni, í Námsflokkum Reykjavíkur og kjólasaum í Handíðaskólanum í Reykjavík á árunum 1948-1950. Jónína vann á saumastofum í Reykjavík árin 1950-1952 og var verslunarstjóri við Hannyrðabúðina í Reykjavík 1952-1955. Hún starfaði við vefnaðarvörudeild SÍS í nokkur ár.
Síðar kenndi hún við Gagnfræðaskólann við Lindargötu og síðast við Fjölbrautaskólann í Ármúla. Eftir starfslok leiðbeindi hún eldri borgurum á Dalbraut 27.

Ljúf er minning æskuára
eins og stök á vatni bára.
Af innlifun þú sagðir sögur,
saddir huga barnsins unga.
Iðin vel og hög var höndin.
Í henni nálin lék við böndin.
Í anda birtist ásýnd fögur.
Óðar víkur sorgin þunga.
Komin er nú kveðjustundin.

Kvöldsins roða slær á sundin.
Heim í ættar haga leitar
hugur vor til þín, mín kæra.
Í friði hér þú færð að hvíla,
fósturjörðin þér að skýla
í faðmi þinnar fögru sveitar.
Frændur hinstu vöggu hræra.

(G.B.) Guðmundur Björnsson

Foreldrar; Guðmundur Kristjánsson 1. júní 1884 - 18. des. 1965. Skrifstofumaður á Kópaskeri 1930. Bóndi á Víkingavatni, síðar á Núpi í Öxarfirði og kona hans;Björg Indriðadóttir, f. 18. ágúst 1888 í Keldunesi í Kelduhverfi, d. 22. janúar 1925.

Alsystkini Jónínu voru fjögur: tveir bræður,
1-2) Árni og Indriði, létust í frumbernsku,
3) Björn Guðmundsson 29.3.1918 - 14.4.2006. Var á Kópaskeri 1930. Yfirmaðurmaður hjá SÍS, kennari við Samvinnuskólann í Reykjavík 1950-1953, söngmaður, hagyrðingur og íþróttamaður.
4) Guðrún Jakobína Guðmundsdóttir 14.4.1922 - 16.1.2010. Aðalbókari í Reykjavík.
Hálfsystkini hennar voru þrjú:
5) Kristján Guðmundsson 22,6,1933 - 1.8.1975. Bóndi og bifreiðarstjóri á Núpi í Öxarfirði. Lést af slysförum.
6) Árni Ragnar Guðmundsson 14.2.1935 - 7.10.2014. Rafvirki í Reykjavík.
7) Björg Guðmundsdóttir f. 20.5.1944.

IS HAH

Loka

Fullt

GPJ 5.4.2021

• íslenska

®GPJ ættfræði 5.4.2021
Mbl 5.8.2002. https://www.mbl.is/greinasafn/grein/1096302/?item_num=1&searchid=f76633f96ea3854062bb7c39a988aac0930214bf