Person

Ingibjörg Jóna Jónsdóttir (1923-2000) kjólameistari frá Bolungarvík

• Ingibjörg Jóna Jónsdóttir (1923-2000) kjólameistari

Imba

14.4.1923 - 29.12.2000

Ingibjörg Jóna Jónsdóttir, kjólameistari, fæddist í Bolungarvík 14. apríl 1923. Hún lést á gjörgæsludeild Landspítalans - háskólasjúkrahúss í Fossvogi 29. desember síðastliðinn.
Ingibjörg stundaði barna- og unglingaskólanám í Bolungarvík. Hún var í Húsmæðraskólanum á Laugalandi í Eyjafirði veturinn 1942 til 1943 og lauk síðar iðnnámi í Reykjavík. Hún tók sveinspróf í kjólasaum og varð meistari í þeirri grein. Síðar sigldi hún til Svíþjóðar og stundaði þar nám í handavinnukennslu. Þegar heim kom tók hún að sér að kenna saumaskap og handavinnu á námskeiðum víða um land, aðallega þó á Vestfjörðum. Þá varð hún handavinnukennari Húsmæðraskólans á Blönduósi í fjóra vetur árin 1946 til 1950 og munu hinir fjölmörgu nemendur hennar minnast hennar með þökk og virðingu. Hún var áhugasamur kennari, iðin, dugleg og drífandi.

Eftir að Ingibjörg Jóna flutti suður og hætti kennslu setti hún upp saumastofu í Reykjavík. Síðar sameinuðu þau stofur sínar, hún og Guðmundur Ísfjörð Bjarnason klæðskeri, og fengu þau brátt húsnæði í Kirkjuhvoli bak við Dómkirkjuna í Reykjavík. Sameiginlega stofnuðu þau svo fataverslunina Pandóru og ráku hana í Kirkjuhvoli þar til 1985 er þau seldu, höfðu þá verslað í yfir 30 ár. Guðmundur Kr. sem varð eiginmaður Ingibjargar, eins og fram kemur hér á eftir, átti ásamt öðrum heildverslunina J. Ásgeirsson og Jónsson og flutti það fyrirtæki m.a. inn fatnað til sölu í Pandóru.
Útför Ingibjargar fer fram frá Háteigskirkju í dag og hefst athöfnin klukkan 10.30.

Bolungarvík: Reykjavík: Svíþjóð: Blönduós:

Húsmæðraskólinn Laugalandi 1942-1943: Kjólameistari: Handavinnukennari frá Svíþjóð:

Kjólameistari:

Foreldrar hennar voru Elísabet Bjarnadóttir, húsmóðir, f. 9. maí 1895, d. 26. ágúst 1980 og Jón Guðni Jónsson, sjómaður, bóndi og verkstjóri í Bolungarvík, f. 20. janúar 1899, d. 5. janúar 1958.
Ingibjörg Jóna var næstelst sjö systkina. Elstur var Friðrik Pétur, sjómaður og bóndi í Bolungarvík, f. 1921, d. 1995; Guðmundur Bjarni, framkvæmdastjóri, f. 1926, d. 1996; Guðrún Halldóra, húsmóðir, f. 1928, búsett í Garðabæ; Georg Pétur, f. 1931, andaðist á fyrsta ári; Sólberg, fyrrverandi sparisjóðsstjóri í Bolungarvík, f. 1935, búsettur í Bolungarvík; Karitas Bjarney, kjólameistari, f. 1937 búsett í Reykjavík.

Hinn 5. apríl 1953 giftist Ingibjörg Guðmundi Kristjáni Jónssyni, framkvæmdastjóra, f. 17. febrúar 1924, d. 1986. Foreldrar hans voru Vilhelmína S. Kristjánsdóttir, húsmóðir frá Mjóafirði, f. 22. júní 1900, d. 1995, og Jón Jónsson, húsasmíðameistari frá Rauðasandi, f. 24. ágúst 1896, d. 1969.
Ingibjörg og Guðmundur eignuðust þrjú börn. Þau eru:
1) Vildís, deildarstjóri, f. 13. nóvember 1954, búsett í Reykjavík. Hún giftist Halldóri Haraldssyni bifvélavirkja, f. 3. apríl 1952, en þau skildu 1996. Börn þeirra eru: Ingibjörg Huld, f. 1978, Guðmundur Hákon, f. 1981, Haraldur Björn, f. 1984, og Sigrún Hrönn, f. 1989.
2) Jón Ingi, tæknifræðingur, f. 2. janúar 1957, búsettur í Reykjavík, maki Sigríður Helga Þorsteinsdóttir, fiðlukennari, f. 1. júní 1957. Börn þeirra eru: Þorsteinn Kári, f. 1986, Guðmundur Kristján, f. 1988 og Friðgeir Ingi, f. 1996.
3) Guðrún Elísabet, fiskverkakona, f. 27. júní 1964, búsett í Þorlákshöfn, maki Skarphéðinn Haraldsson, verslunarmaður, f. 18. febrúar 1964. Börn þeirra eru: Jón Bryngeir, f. 1984, Kristján Ágúst, f. 1986, og Helga Björg, f. 1989.

Kvennaskólinn á Blönduósi 1901-1974. Árbraut 31 (1901 - 1974)

Kvennaskólinn á Blönduósi 1941-1950 (1941-1950)

HAH01486

IS HAH

Final

Full

GPJ 21.6.2017

• Icelandic

®GPJ ættfræði https://www.mbl.is/greinasafn/grein/581694/?item_num=6&searchid=5834ca8cc9d8e3089ef10f608fb897d229708c7e