Hulda Gísladóttir (1913-1993)

• Hulda Gísladóttir (1913-1993) frá Eiríksstöðum

Hulda Gísladóttir, andaðist á heimili sínu á Sauðárkróki að morgni 14. ágúst, þá nýorðin áttræð. Þótt búast megi við því að maðurinn með ljáinn sé ekki langt undan þegar aldrað fólk á í hlut, þá kom andlát hennar á óvart eins og svo oft vill verða. Helgina áður hafði hún haldið upp á afmæli sitt í Safnaðarheimili Sauðárkrókskirkju af skörungsskap og þangað sóttu hana heim margir ættingjar og vinir. Hulda var fædd á Bólstað í Svartárdal í Húnavatnssýslu. Um tvítugt fluttist Hulda búferlum til Siglufjarðar. Þar giftist hún og stofnaði heimili.

Bólstaður í Svartárdal A-Hún.: Siglufjörður: Sauðárkrókur:

Dóttir hjónanna Gísla Ólafssonar skálds frá Eiríksstöðum í sömu sveit og konu hans Jakobínu Þorleifsdóttur sem ættuð var úr Ísafjarðardjúpi. Hún var elst þriggja barna þeirra, en hin voru Guðrún, sem síðast bjó í Reykjavík en er nú látin, og Ólafur sem býr á Sauðárkróki.
Á Siglufirði giftist hún og stofnaði heimili með Antoni Ingimarssyni sem lengst af var sjómaður á Siglufirði en dvelur á öldrunarheimili á Sauðárkróki. Þau eignuðust fjóra syni en slitu síðar samvistir.
Þrír þeir elstu,
1) Sigurður,
2) Ingimar og
3) Gísli, luku allir iðnnámi og búa á Sauðárkróki.
Yngstur þeirra er
4) Ólafur, bifreiðastjóri í Reykjavík.
Hulda eignaðist síðar tvö börn með Hilmari Jónssyni frá Tungu í Fljótum, þau
5) Hilmar, sem er kjötiðnaðarmeistari á Sauðárkróki, og
6) Sigurlínu sem er hjúkrunarfræðingur í Reykjavík. Hilmar faðir þeirra lést árið 1954 og sama ár flutti Hulda til Sauðárkróks þar sem hún bjó allar götur síðan.

GPJ 21.6.2017

• Icelandic

http://www.mbl.is/greinasafn/minningaleit/