Helga Þorsteinsdóttir (1917-1994) Þorlákshöfn, frá Langholti, Hraungerðissókn

Helga Þorsteinsdóttir 3.11.1917 - 10.2.1994. Var í Langholti, Hraungerðissókn, Árn. 1930. Húsfreyja Þorleifskoti og síðast bús. í Þorlákshöfn.
Hún var fædd í Langholti í Hraungerðishreppi, yngst 14 alsystkina, barna Helgu Einarsdóttur og Þorsteins Sigurðssonar bónda þar. Þrjú barnanna dóu ung að aldri en 11 komust upp.
Móðir Helgu dó í spönsku veikinni, 1918, og var hún því aðeins rúmlega ársgömul þegar móðir hennar lést. Lát góðrar eiginkonu og umhyggjusamrar móður var fjölskyldunni allri mikið áfall en eldri systkinin gengu þeim yngri í móður stað og hvíldi ábyrgðin þá þyngst á herðum Margrétar sem var elst og stóð fyrir heimilishaldinu fyrstu árin eftir lát móður sinnar. Börnin lögðu öll sitt af mörkum þegar þau höfðu aldur til, hjálpuðu til bæði utan húss og innan og unnu baki brotnu að fordæmi föður síns sem var kjarkmikill og atorkusamur.
Fjölskyldan var mjög samhent og hefur verið æ síðan þar eð systkinin vöndust því frá blautu barnsbeini að treysta hvert á annað.
Jarðarförin fór fram frá Þorlákskirkju í Þorlákshöfn 19.2.1994.

Kvsk á Blö 1937-1938

Foreldrar hennar; Þorsteinn Sigurðsson 25.4.1869 - 1.12.1935. Var í Langholti í Flóa, Laugardælasókn 1870. Síðar bóndi þar og kona hans; Helga Einarsdóttir 6.10.1873 - 25.11.1918. Húsfreyja í Langholti í Flóa. Lést í spönsku veikinni.
Seinni kona Þorsteins var; Solveig Jónsdóttir 11.10.1883 - 27.12.1945.

Systkini Helgu
1) Margrét Þorsteinsdóttir 21.8.1896 - 22.3.1987. Síðast bús. í Kópavogi. Húsfreyja á Hallanda, Hraungerðissókn, Árn. 1930.
2) Ingólfur Þorsteinsson 14.2.1899 - 27.8.1980. Bóndi í Langholti, Hraungerðissókn, Árn. 1930. Búfræðingur, bóndi í Langholti og Merkilandi, Hraungerðishr., Árn. framkvæmdastjóri Flóaveitunnar, síðar fulltrúi hjá Búnaðarfélagi Íslands. Síðast bús. í Reykjavík.
3) Sigurður Þorsteinsson 28.8.1901 - 17.8.1993. Var í Langholti, Árn. 1910. Skipstjóri í Grimsby, Englandi.
4) Hermann Þorsteinsson 16.6.1903 - 22.8.1994. Var í Langholti, Hraungerðissókn, Árn. 1930. Bóndi í Langholti í Flóa.
5) Guðmundur Þorsteinsson 25.6.1904 - 20.3.1999. Bifvélavirki, síðast bús. í Reykjavík. Kjörsonur: Guðmundur Þórir Guðmundsson, f. 27.7.1944.
6) Einar Þorsteinsson 27.12.1907 - 12.7.1987. Iðnaðarmaður í Reykjavík. Var í Langholti, Hraungerðissókn, Árn. 1930. Verkstjóri í Reykjavík 1945.
7) Ingibjörg Þorsteinsdóttir 15.9.1909 - 11.7.2004. Var í Langholti, Hraungerðissókn, Árn. 1930. Húsfreyja í Reykjavík.
8) Jóna Þorsteinsdóttir 21.6.1911 - 18.2.2006. Nemandi í Laugarvatnsskóla, Miðdalssókn, Árn. 1930. Síðast bús. í Reykjavík.
9) Rósa Þorsteinsdóttir 14.9.1912 - 12.7.2004. Nemandi í Laugarvatnsskóla, Miðdalssókn, Árn. 1930. Var um tíma með matsölu á vetrum og ráðskona í veiðihúsi við Norðurá á sumrum. forstöðukona Barnaheimilis í Elliðahvammi og síðar Fjölskylduheimilisins Skála og við Steinagerði í Reykjavík. Þar varð hún fósturmóðir 8 barna um lengri eða skemmri tíma.
10) Ólöf Þorsteinsdóttir 11.3.1916 - 25.3.2013. Var í Langholti, Hraungerðissókn, Árn. 1930. Saumakona í Reykjavík.
Samfeðra;
11) Ólafur Þorsteinsson 14.7.1929 - 13.7.2014. Framkvæmdastjóri hjá verktakafyrirtækinu Völ hf. Var í Langholti, Hraungerðissókn, Árn. 1930.

Maður hennar 28.12.1948; Guðni Karlsson 9.5.1920 - 21.3.2008. Var í Kirkjuskarði, Holtastaðasókn, A-Hún. 1930. Vélstjóri og verkamaður, lengst af búsettur á Þorlákshöfn.

Þau eignuðust 4 börn, þau eru:
1) Guðrún, f. 16. sept. 1948, gift Jóni Dagbjartssyni, f. 27. júlí 1941, synir þeirra eru a) Guðni, f. 29. júlí 1968, kvæntur Hafrúnu Ástu Grétarsdóttir, börn þeirra: Ingvi Már og Guðrún Petra, og b) Dagbjartur, f. 13. mars 1973.
2) Helga, f. 4. maí 1951, gift Páli Bergssyni, f. 4. júlí 1945, d. 1. maí 1992, synir þeirra eru a) Karl, f. 8. ágúst 1972, sambýliskona Ásrún Björgvinsdóttir; börn Karls eru Aron Páll og Sigrún Þóra og börn Ásrúnar eru Selma og Íris. b) Sveinn, f. 24. mars 1978, sambýliskona Theodóra Friðbjörnsdóttir, dóttir þeirra Birgitta. Sambýlismaður Helgu er Sæmundur Gunnarsson, f. 6. mars 1947.
3) Þorsteinn, f. 21. maí 1953, fyrrum sveitarstjóri Þorlákshöfn. kvæntur Lovísu Rúnu Sigurðardóttur, f. 20. des. 1955, börn þeirra eru a) Sigurður, f. 1. okt. 1975, kvæntur Helgu Helgadóttur, synir þeirra eru Þorsteinn Helgi og Þorkell Hugi. b) Helga Rúna, f. 27. okt. 1982, sambýlismaður Bjarni Gunnarsson.
4) Katrín, f. 17. maí 1959, gift Sigurði Magnússyni, f. 9. nóv. 1955. Dóttir Katrínar er Drífa Heimisdóttir, f. 6. sept. 1974, gift Herði Sigurjónssyni; dóttir Drífu er Þórdís Anna, dóttir Harðar er Hafrún. Börn Drífu og Harðar: Sigurjón Daði og Andrea Katrín. Börn Katrínar og Sigurðar eru a) Magnús, f. 14. feb. 1982, sambýliskona Gerður Skúladóttir, sonur þeirra Sigurður Darri, b) Anna Linda, f. 26. apríl 1988, og c) Eyþór Almar, f. 28. febr. 1989.
5) Drífa Heimisdóttir var alin upp hjá afa sínum og ömmu

Langholtsheimilið var annálað dugnaðar- og rausnarheimili. Máttarstólpar þess voru vinnusemi, gestrisni, gjafmildi og trúrækni. Eins og á flestum íslenskum heimilum hér á árum áður voru húslestrar lesnir mestan hluta ársins og á föstunni Passíusálmar og hugvekja úr Péturspostillu í samræmi við sálminn sem lesinn var. Öll voru systkinin í Langholti gott söngfólk og því mikið sungið. Einn bræðranna, Ingólfur, lék þá undir á orgel og allir tóku hresilega undir. Helga, frænka mín, sem nú er kvödd, hafði fallega sópranrödd og söng hún í kirkjukórum í fjöldamörg ár, m.a. í kirkjukór Þorlákskirkju í Þorlákshöfn.

GPJ 26.3.2021

• Icelandic

®GPJ ættfræði 26.3.2021
Mbl 19.2.1994. https://www.mbl.is/greinasafn/grein/126100/?item_num=20&searchid=2356d4271de06d6fcb5b345b3de6344bd6a504f1
Mbl. https://www.mbl.is/greinasafn/grein/1202940/?item_num=1&searchid=5876901e38e44e13a640c24a34fbf78158a83595