Person

Helga Ingibjörg Helgadóttir (1912-1997) Ölfusá (Selfoss)

• Helga Ingibjörg Helgadóttir (1912-1997) Ölfusá (Selfoss)

22.6.1912 - 25.9.1997

Helga Ingibjörg Helgadóttir fæddist í Reykjavík 22. júní 1912. Hún andaðist í Sjúkrahúsi Suðurlands á Selfossi 25. september síðastliðinn. Helga giftist ekki og átti ekki afkomendur.
Útför Helgu Ingibjargar fer fram frá Selfosskirkju í dag og hefst athöfnin klukkan 13.30.

Reykjavík: Skúmsstaðir Eyrarbakka: Syðra-Sel Hrunamannahreppi: Sunnuhvoll Ölfusá (Selfoss): Kvsk á Blönduósi:

Helga Ingibjörg var dóttir Sigríðar, húsfreyju, (1890¬1975), Oddsdóttur, símstjóra, gullsmiðs og fræðimanns á Eyrarbakka, Oddssonar, og fyrri manns hennar, Helga, vélstjóra, (1876-1918), Magnússonar, bónda á Skúmsstöðum á Eyrarbakka, Ormssonar.

Albræður Helgu voru:
1) Oddur, (1910-1928),
2) Magnús Haukur, (1914-1945), rafvirki og verkstjóri hjá Rafveitu Akureyrar, kvæntur Svövu Ingimundardóttur frá Reykjavík. Þau voru barnlaus.

Síðari maður Sigríðar, (1922) var Páll, (1896-1982), lengi verslunarstjóri og kaupmaður á Akureyri, síðar skrifstofumaður í Reykjavík, Sigurgeirsson frá Stóruvöllum í Bárðardal. Synir þeirra eru:
1) Sverrir, (f. 1924), kennari og síðar skólastjóri við Gagnfræðaskóla Akureyrar. Kona hans er Ellen L. Pálsson, f. Rasmussen, frá Reykjavík, og eiga þau fjögur börn.
2) Gylfi, (f. 1933), ritstjóri og þýðandi, lengi skólastjóri Gagnfræðaskólans í Mosfellssveit. Kona hans er Steinunn Theódórsdóttir frá Reykjavík, og eiga þau sex börn.

Við lát föður síns var Helga tekin í fóstur af móðursystur sinni, Önnu Valgerði Oddsdóttur, (1894-1965), og manni hennar, Helga Ágústssyni frá Birtingaholti, (1891-1977), sem þá höfðu nýlega hafið búskap á Syðra-Seli í Hrunamannahrepp. Þar ólst Helga upp fram undir tvítugsaldur, en haustið 1931 fluttist fjölskyldan til Selfoss, þar sem Helgi tók að sér verslunarstörf við Kaupfélag Árnesinga, sem þá var nýstofnað. Helga var til heimilis hjá fósturforeldrum sínum á Sunnuhvoli, (Sigtúnum 9), meðan þeirra naut við, en þegar þau voru fallin frá, fluttist hún í eigin íbúð að Fossheiði 48, þar sem hún bjó til æviloka.

Fóstursystkini hennar, börn Önnu og Helga, voru:
1) Magnús Ágúst, (1920¬1985), bakari Blönduósi, en mörg ár útsölustjóri Mjólkursamsölunnar í Vestmannaeyjum. Hann var tvíkvæntur. Fyrri kona hans var Torfhildur Hannesdóttir frá Eiríksstöðum í Svartárdal, og eignuðust þau tvær dætur. Þau skildu.
Síðari kona hans var Ásta Ársælsdóttir frá Vestmannaeyjum, (d. 1977), en þau voru barnlaus.
2) Oddur Helgi, (f. 1922), fyrrverandi sölustjóri Mjólkursamsölunnar í Reykjavík, kvæntur Ragnheiði Guðjónsdóttur frá Starmýri í Álftafirði. Þau eiga tvær dætur.
3) Móeiður (f. 1924), húsfreyja á Selfossi, gift Garðari Jónssyni, fyrrverandi skógarverði. Þau eignuðust fjögur börn, og eru þrjú þeirra á lífi.
Helga giftist ekki og átti ekki afkomendur.

IS HAH

Final

Full

GPJ 19.6.2017

• Icelandic

™GPJ ættfræði
Íslendingabók
mbl 4.10.1997; https://www.mbl.is/greinasafn/grein/357394/?item_num=5&searchid=019ac4b6a7a3e746fa855ac7dca914a2a8b02a4c