Einstaklingur

Hafsteinn Kristinsson (1933-1993) Hveragerði

• Hafsteinn Kristinsson Hveragerði

11.8.1933 - 18.4.1993

Hafsteinn Kristinsson 11. ágúst 1933 - 18. apríl 1993. Framkvæmdastjóri og stofnandi Kjöríss hf. Síðast bús. í Hveragerðisbæ.
Hafsteinn Kristinsson var fæddur á Selfossi, sonur þeirra vildishjóna Kristins Vigfússonar, húsasmíðameistara á Selfossi um langan aldur, og Aldísar Guðmundsdóttur frá Litlu-Sandvík í Flóa. Hafsteinn ólst upp í þessum bæ þar sem landið er flatt, en óx fljótt allmjög upp úr flatanum og varð með hærri mönnum.

Árnesi Selfossi; Hveragerði:

Mjólkurfræðingur frá Landbúnaðarháskólanum í Kaupmannahöfn

Á þrítugsaldri sigldi Hafsteinn til náms í Danmörku. Þó á þeim dýrðardögum í Höfn við nám og leik hafi ekki alltaf verið mjólk á borðum var starf Hafsteins alla tíð tengt þeirri vöru. Að námi loknu hóf Hafsteinn fljótlega störf hjá Osta og smjörsölunni sf. og stofnsetti þar rannsóknastofu og mótaði þar gæðamat á þeim mjólkurvörum er fyrirtækið hafði til sölu. Seinna varð Hafsteinn um tíma ráðunautur í mjólkurfræðum hjá Búnaðarfélagi Íslands og vann á þeim vettvangi hið merkasta starf.

En gömul hugmynd sem Hafsteinn hafði oft rætt um á námsárunum varð í höndum hans að veruleika. Hann reisti lítið ostabú þar sem hann fór að gera ýmsa sérosta, osta sem ekki höfðu verið á borðum á Íslandi nema þegar einhver kom heim úr útlöndum. Með þessari frumraun í gerð osta var Íslendingum komið á ostabragðið og þegar Hafsteinn hætti ostagerð sinni tóku önnur samlög við og héldu því merki hátt sem hann hafði hafið á loft.

En þannig var það, einn góðan veðurdag hætti Hafsteinn að framleiða ost og sagði nú er sól og nú skal ég selja ykkur ís. Og síðan þann dag hefur Hafsteinn rekið ísgerðina Kjörís við mikinn og góðan orðstír og vinsældir.

Foreldrar hans; Hafliði Kristinn Vigfússon 7. jan. 1893 - 5. jan. 1982. Húsasmiður í Árnesi Selfossi. Trésmiður á Reykjum, Kotstrandarsókn, Árn. 1930. Heimili: Eyrarbakki og kona hans; Aldís Guðmundsdóttir 24. feb. 1902 - 9. ágúst 1966. Húsfreyja í Árnesi Selfossi. Húsfreyja á Reykjum, Kotstrandarsókn, Árn. 1930. Heimili: Eyrarbakki. Frá Sandvík í Flóa

Bræður Hafsteins;
1) Guðmundur Kristinsson 31. des. 1930. Aðalgjaldkeri Landsbankans á Selfossi og rithöfundur (Saga Selfoss, Til æðriheima 2004, Sumarlandið 2010). Kona hans Ásdís Ingvarsdóttir

10. jan. 1933, frá Skipum á Stokkseyri.
    2) Sigfús Kristinsson 27. maí 1932. Húsasmíðameistari Selfossi

Kona Hafsteins; Laufey Sveinfríður Valdimarsdóttir 26. jan. 1940, móðir hennar; Guðrún Margrét Albertsdóttir (1902-1970) Neðstabæ

Börn þeirra;
1) Aldís Hafsteinsdóttir 21. des. 1964, forstjóri Kjöríss og sveitarstjóri Hveragerði. Maður hennar; Lárus I. Friðfinnsson matreiðslumaður og eiga þau tvö börn.
2) Valdimar Hafsteinsson fæddur 9.2.1966, iðnrekstrarfræðingur, kvæntur Sigrúnu Kristjánsdóttur hjúkrunarfræðinema og eiga þau tvo drengi.
3) Guðrún Hafsteinsdóttir fædd 9.2.1970, stúdent, gift Davíð Jóhanni Davíðssyni
4) Sigurbjörg Hafsteinsdóttir fædd 18.7.1975,
Dreng eignuðust þau Laufey og Hafsteinn fyrst sem lést skömmu eftir fæðingu.

IS HAH

Loka

Fullt

GPJ 4.8.2019

• íslenska

®GPJ ættfræði.
mbl 27.4.1993. https://timarit.is/page/1784264?iabr=on