Einstaklingur

Hafþór Vestfjörð Sigurðsson (1943-1997)

16.2.1943 - 22.6.1997

Hafþór Vestfjörð Sigurðsson fæddist í Reykjavík 16. febrúar 1943. Hann lést á heimili sínu í Reykjavík 22. júní síðastliðinn.
Hafþór lauk kennaraprófi frá Kennaraskólanum 1965. Hann hóf kennslustörf við Leirárskóla sama ár og kenndi síðar við Árbæjarskóla í Reykjavík. Árið 1969 var hann ráðinn við nýstofnaðan skóla á Húnavöllum í Austur- Húnavatnssýslu og starfaði þar í sex ár, fyrst sem kennari og síðar sem skólastjóri. Þá kenndi hann í eitt ár við Breiðholtsskóla i Reykjavík, en fluttist síðan til Hallormsstaðar þar sem hann starfaði sem skólastjóri við grunnskólann í fjögur ár. Hafþór fluttist ásamt fjölskyldu sinni til Reykjavíkur árið 1980. Hann stundaði nám við Myndlista- og handíðaskóla Íslands og síðar við smíðakennaradeild Kennaraháskólans. Hann var ráðinn kennari við Álftanesskóla 1985 og starfaði þar til dauðadags.

Útför Hafþórs fer fram frá Fossvogskirkju í dag og hefst athöfnin klukkan 13.30.

Reykjavík: Húnavellir 1969-1975: Hallormsstaður:

Kennarapróf 1965

Kennari: Skólastjóri:

Foreldrar hans voru Sigurður Hjálmar Þorsteinsson frá Neðri Miðvík í Aðalvík, f. 6. mars 1918 (látinn), og Matthildur Valdís Elíasdóttir frá Elliða í Staðarsveit, f. 21. mars 1923.
Hafþór var elstur í hópi systkina sinna, en þau eru
Ragnar, Elías, Þorsteinn, Sigþór (látinn) og Hjördís.

Hinn 10. ágúst 1968 kvæntist Hafþór eftirlifandi eiginkonu sinni, Margréti Helgadóttur, fulltrúa hjá Kennarasambandi Íslands, f. 3. febrúar 1942 í Reykjavík. Foreldrar hennar voru Helgi Guðmundsson frá Ytra-Sveinseyri í Tálknafirði, f. 16. febrúar 1902 (látinn), og Marta Jónsdóttir frá Suðureyri í Tálknafirði, f. 11. júní 1907 (látin).
Synir Hafþórs og Margrétar eru:
1) Helgi, tölvunarfræðingur, f. 7. desember 1969, kvæntur Guðlaugu Eddu Siggeirsdóttur, lyfjatækninema, f. 25. desember 1972, og eiga þau eina dóttur, Ástu Margréti, f. 4. mars 1995.
2) Sigurður, B.A. í guðfræði, f. 5. ágúst 1972, sambýliskona hans er Cecilia Möne, jarðfræðingur, f. 25. janúar 1969.

IS HAH

Loka

Fullt

GPJ 22.5.2017

• íslenska

http://www.mbl.is/greinasafn/minningaleit/