Gunnar Ellertsson 24. jan. 1965 - 23. des. 2010. Bóndi og hreppsnefndarmaður á Bjarnastöðum í Vatnsdal.
Hann lést umvafinn fjölskyldu sinni á heimili sínu, Bjarnastöðum í Vatnsdal, að kvöldi Þorláksmessu 23. desember 2010.
Gunnar verður jarðsunginn frá Þingeyrakirkju í dag, 8. janúar 2011, og hefst athöfnin kl. 14.

Foreldrar hans; Ellert Pálmason 16. apríl 1938 Bóndi Bjarnastöðum í Þingi og kona hans; Vigdís Theodóra Bergsdóttir (Dósý) 28. febrúar 1941 - 17. janúar 2011 Húsfreyja á Bjarnastöðum í Sveinsstaðahreppi.
Systkini Gunnars sammæðra;
1) Pálína Bergey Lýðsdóttir, f. 27.10. 1960, gift Bjarna Kristinssyni, f. 20.8. 1960, þeirra börn eru; a) Lilja Guðný, f. 15.5. 1985, gift Guðmundi Arnari Sigurjónssyni, f. 22.3. 1986, þeirra sonur er Sigurjón Bjarni, f. 12.8. 2008. b) Anna Kristín, f. 18.4. 1987 c) Ásta María, f. 7.5. 1991.
2) Hekla Birgisdóttir, f. 8.5. 1963, hennar börn eru; a) Vigdís Elva, f. 27.8. 1980, hennar sambýlismaður er Þröstur Árnason, f. 5.3. 1975, þeirra börn eru Auðunn Árni, f. 18.1. 2001, Hekla Guðrún, f. 13.5. 2003, Ellert Atli, f. 8.4. 2009, b) Gunnar Örn, f. 12.1. 1985, hans kærasta er Ingibjörg Elísabet Sigurðardóttir, f. 6.10. 1986, dóttir Ingibjargar er Elísabet Þórhalla, f. 21.9. 2006, c) Sigurbjörn Pálmi, f. 26.11. 1988, hans unnusta er Katrín Hallgrímsdóttir, f. 4.10. 1991, d) Ingibergur Kort, f. 27.4. 1998.
Börn Ellerts og Vigdísar;
3) Pálmi Ellertsson, f. 21.6. 1966,
4) Oddný Rún Ellertsdóttir, f. 30.12. 1973.

Gunnar ólst upp á Bjarnastöðum og bjó þar alla sína tíð. Hann lauk grunnskólaprófi frá Húnavallaskóla 1981. Eftir það fór hann að sinna bústörfum af fullum hug ásamt bróður sínum og stefndi hugur þeirra bræðra hátt á framabraut bústarfa. Ásamt því að reka búið vann hann mörg haust á sláturhúsinu á Blönduósi, sinnti rúningi um sveitirnar, sat í hreppsnefnd Sveinstaðahrepps, var formaður Búnaðarfélags Sveinstaðahrepps, einnig hjálpaði hann mörgum bóndanum þegar hjálparbeiðni barst. Bjarnastaðabúið hefur síðustu ár blómstrað og vaxið undir vökulum augum þeirrra bræðra.