Einstaklingur

Guðrún Steinsdóttir (1916-1999) frá Hrauni á Skaga

• Guðrún Steinsdóttir frá Hrauni á Skaga

4.9.1916 - 7.3.1999

Guðrún Steinsdóttir fæddist á Hrauni á Skaga 4. september 1916. Hún lést á sjúkrahúsinu á Sauðárkróki 7. mars síðastliðinn. Guðrún lauk prófi frá Kvennaskólanum á Blönduósi 1938. Hún var ráðskona við Reykjaskóla í Hrútafirði í eitt ár, stundaði verslunarstörf í Reykjavík í sjö ár en hefur verið húsfreyja á Reynistað frá 1947. Guðrún starfaði í Ungmennafélaginu Æskunni, var í mörg ár formaður Kvenfélags Staðarhrepps, formaður sóknarnefndar Reynistaðarkirkju um árabil auk þess sem hún hafði umsjón með Reynistaðarkirkju í áraraðir. Útför Guðrúnar fer fram frá Reynistaðarkirkju í dag og hefst athöfnin kl. 16.

Hraun á Skaga: Kvsk á Blönduósi 1937-1938: Reykjavík: Reynisstaður í Skagafirði:

Húsfreyja:

Foreldrar hennar voru hjónin Steinn L. Sveinsson, f. 17.1. 1886, d. 27.11. 1957, bóndi og hreppstjóri á Hrauni á Skaga, og k.h., Guðrún Sigríður Kristmundsdóttir, f. 12.10. 1892, d. 24.10. 1978.
Systkini Guðrúnar eru: Gunnsteinn Sigurður, f. 10.1. 1915, búsettur á Sauðárkróki; Rögnvaldur, f. 3.10. 1918, búsettur á Hrauni á Skaga; Svava, f. 17.11. 1919, búsett á Skagaströnd; Guðbjörg Jónína, f. 30.1. 1921, búsett í Reykjavík; Tryggvina Ingibjörg, f. 7.4. 1922, búsett í Reykjavík; Kristmundur, f. 5.1. 1924, búsettur í Reykjavík; Svanfríður, f. 18.10. 1926, búsett á Sauðárkróki; Sveinn, f. 8.9. 1929, búsettur í Geitagerði í Skagafirði; Ásta, f. 27.11. 1930, búsett í Reykjavík; Hafsteinn, f. 7.5. 1933, búsettur í Reykjavík; Hrefna, f. 11.5. 1935, d. 19.8. 1935.
Guðrún giftist 18.9. 1947 Sigurði Jónssyni, f. 4. september 1917, bónda á Reynistað. Foreldrar: Jón Sigurðsson, fyrrverandi bóndi og alþm. á Reynistað, f. 13.3. 1888, d. 5.8. 1972, og Sigrún Pálmadóttir húsfreyja, f. 17.5. 1895, d. 11.1. 1979. Guðrún og Sigurður eignuðust fjóra syni, þeir eru:
1) Jón, f. 26.9. 1948, bifreiðastjóri á Sauðárkróki, kvæntur Sigurbjörgu Guðjónsdóttur og eiga þau þrjú börn: a) Hjördísi, sambýlismaður hennar er Hjörtur Pálmi Jónsson, börn hennar eru Andrea Kristjánsdóttir og Gísli Þráinn Kristjánsson, b) Brynju Dröfn og c) Sigurð Guðjón.
2) Steinn Leó, f. 2.2. 1951, bifreiðastjóri, búsettur á Mel í Skagafirði, kvæntur Salmínu S. Tavsen og eiga þau þrjú börn: a) Sigurð Rúnar, b) Aðalheiði Báru, og c) Pétur Tavsen. Barn Salmínu er Ástríður Margrét Eymundsdóttir, sambýlismaður hennar er Már Halldórsson, þeirra barn er Vignir Már.
3) Hallur, f. 11.5. 1953, bifvélavirki hjá Kaupfélagi Skagfirðinga á Sauðárkróki, kvæntur Sigríði Svavarsdóttur og eiga þau þrjár dætur: a) Guðrúnu Ösp, b) Margréti Helgu og c) Bryndísi Lilju.
4) Helgi Jóhann, f. 14.2. 1957, bóndi á Reynistað, kvæntur Sigurlaugu Guðmundsdóttur og eiga þau þrjú börn: a) Jóhann, b) Óskar Bjarka og c) Sigrúnu Evu.

Guðbjörg Steinsdóttir (1921-2018) frá Hrauni á Skaga (30.1.1921 - 19.1.2018)

HAH01342

IS HAH

Loka

Fullt

GPJ 21.5.2017

• íslenska

http://www.mbl.is/greinasafn/minningaleit/