Einstaklingur

Gísli Guðmundsson (1915-1991) Litlu-Laugum, Reykjadal

• Gísli Tómas Guðmundsson (1915-1991) Litlu-Laugum, Reykjadal

22.3.1915 - 30.11.1991

Gísli Tómas fæddist í Reykjavík 22. mars 1915. Foreldrar hans voru Áslaug Friðjónsdóttir frá Sandi í Aðaldal og Guðmundur Pétursson nuddlæknir.
Gísli var ekki fæddur í hjónabandi og átti móðir hans við veikindi að stríða um það bil er hann fæddist. Sigurjón, bróðir Áslaugar, bóndi og skáld á Litlu-Laugum og kona hans, Kristín Jónsdóttir, tóku drenginn í fóstur strax á fyrsta ári og ólst hann upp hjá þeim til fullorðinsaldurs. Þau Litlu Laugahjón áttu reyndar tíu börn fyrir, en létu sig ekki muna um að bæta þessum litla dreng í hópinn. Fósturforeldrar Gísla ólu hann upp sem væri hann þeirra eigin sonur og gerðu í engu verr til hans en sinna eigin barna. Það var heldur að Kristínu fyndist stundum hún þyrfti að gera hlut fóstursonarins ívið betri en sinna barna. Gísli varð líka snemma elskur að fósturmóður sinni. Svo var hún honum kær, að hann hafði heitið því með sjálfum sér, að ætti það fyrir honum að liggja að eignast dóttur, skyldi hún engu nafni heita öðru en Kristín.

Alþýðuskólinn á Laugum

Alþýðuskólinn á Laugum

Hér syðra stundaði Gísli almenna verkamannavinnu lengi fyrst, en fertugur að aldri réðst hann til starfa hjá Pósthúsinu í Reykjavík. Upp frá því gegndi hann ýmsum störfum hjá þeirri stofnun allt til starfsloka.
Gísli treysti því, að með samtökum fjöldans, væru þau nógu sterk, mætti ráða bót á því misrétti í þjóðfélaginu, sem blasti honum við augum. Því gekk hann snemma til liðs við stjórnmálahreyfingu sósíalista í Sameiningarflokki alþýðu og síðar í Alþýðubandalaginu. Þar hafa þau hjónin verið samtaka að verki frá fyrstu tíð.

Gísli var ritfær maður í besta lagi og hafði gaman af að skrifa. Oft var til hans leitað ef skrifa þurfti afmæliskveðju til starfsfélaga eða minnast látins samferðamanns. Brást hann þá einatt vel við. Um nokkurt skeið skrifaði hann stuttar greinar, einkum um hagi alþýðufólks og lífsbaráttu þess. Birtust þær í Þjóðviljanum. Enn má geta þess að Gísli skrifaði eina skáldsögu þegar hann var hættur að vinna launuð störf og fékk hana gefna út. Í henni má glöggt greina að uppvaxtarárin í þingeyskri sveit hafa orðið honum hugleikin.

IS HAH

Loka

Fullt

GPJ skráning 23.8.2021

• íslenska

®GPJ ættfræði 23.8.2021
Íslendingabók
Mbl 12.12.1991. https://www.mbl.is/greinasafn/grein/79287/?item_num=56&searchid=b9a0a12e70032b488387cff279f2943d08af6ae6
Mbl 16.11.2007. https://www.mbl.is/greinasafn/grein/1175745/?item_num=17&searchid=ada662e272a277aa2a18f2493c9e4c235303a746