Einstaklingur

Friðrik Pétursson (1924-2009) kennari Vestmannaeyjum

9.4.1924 - 30.7.2009

Friðrik Pétursson fæddist í Skjaldarbjarnarvík á Ströndum 9. apríl 1924. Friðrik ólst upp í Skjaldarbjarnarvík á Ströndum og síðar á Reykjarfirði.

Hann lést á Landspítalanum í Fossvogi 30. júlí 2009. Friðrik var jarðsunginn frá Kópavogskirkju föstudaginn 14. ágúst, og hófst athöfnin kl. 15.

Að loknu námi við Barnaskólann á Finnbogastöðum í Trékyllisvík og Héraðsskólann að Reykholti í Borgarfirði fór hann í Kennaraskóla Íslands og lauk þaðan kennaraprófi árið 1948. Síðar lauk hann sérkennaraprófi frá Kennaraháskóla Íslands árið 1969.
Á sumrin gegndi Friðrik ýmsum störfum, t.d. vann hann á námsárunum í síldarverksmiðjunni á Ingólfsfirði og í Vestmannaeyjum var hann m.a. til sjós, vann í Sparisjóðnum og vann við stækkun flugvallarins. Í Kópavogi fór drjúgur hluti sumranna í skógrækt og á tímabili gerði hann þaðan út trillu.

Friðrik kenndi mörg ár í Vestmanneyjum en flutti til Kópavogs árið 1968 og starfaði eftir það m.a. við Brúarlandsskóla í Mosfellssveit, Breiðholtsskóla og Þinghólsskóla, en lengst af sem sérkennari við Snælandsskóla í Kópavogi.

Á síðari árum ritaði hann nokkrar greinar um lífið í Skjaldarbjarnarvík á æskuárunum. Þær hafa m.a. birst í Strandapóstinum og verið lesnar í útvarpi.
Um skeið var hann formaður Félags ungra Framsóknarmanna í Vestmannaeyjum. Síðar starfaði hann með Skógræktarfélagi Kópavogs um árabil, þar sem hann veitti um tíma forstöðu skógræktarstöðinni Svörtuskógum og sá um skógrækt í landi skógræktarfélagsins í Kjós í Hvalfirði.

Foreldrar; Pétur Friðriksson 18. júní 1887 - 9. sept. 1979. Bóndi í Hraundal í Nauteyrarhr., N.-Ís., í Skjaldbjarnarvík og Reykjarfirði í Árneshr., Strand., síðar á Hellissandi og í Reykjavík. Bóndi í Skjaldbjarnarvík, Árnesssókn, Strand. 1930 og kona hans; Sigríður Elín Jónsdóttir 10. nóv. 1893 - 30. mars 1984. Húsfreyja í Skjaldbjarnarvík, Árnesssókn, Strand. 1930. Síðast bús. í Reykjavík.

Systkini Friðriks voru;
1) Guðmundur Pétursson 26. febrúar 1917, d. 16. maí 1960. Var á Skjaldbjarnarvík, Árnesssókn, Strand. 1930. Vélstjóri í Kópavogi.
2) Guðbjörg Pétursdóttir 28. mars 1920 - 13.6.2010. Var í Skjaldbjarnarvík, Árnesssókn, Strand. 1930. Húsfreyja og fiskverkakona á Eyri við Ingólfsfjörð, í Kópavogi og loks á Akranesi.
3) Jóhannes Pétursson 3. ágúst 1922, d. 5. september 2000. Var í Skjaldbjarnarvík, Árnesssókn, Strand. 1930. Kennari, síðast bús. í Reykjavík.
4) Matthías Pétursson 22. ágúst 1926 - 21.5.2022. Kaupfélagsstjóri á Hellissandi og Hvolsvelli. Var í Skjaldabjarnarvík, Árnesssókn, Strand. 1930. Gegndi ýmsum félagsstörfum.
5) Jón Pétursson 27. janúar 1929, d. 31. október 1997. Bifvélavirki, vatnsveitustjóri og slökkviliðsstjóri í Búðardal. Var í Skjaldbjarnarvík, Árnesssókn, Strand. 1930.

Barnsmóðir 15.9.1957; Áslaug Jónsdóttir 6.10.1926 - 20.12.2007. Var á Sunnuhvoli, Flatey, Flateyjarsókn, A-Barð. 1930. Verslunarstarfsmaður á Akureyri.
Kona hans 10.9.1958; Jóhanna Herdís Sveinbjarnardóttir 16.1.1929 - 25.10.2009. Var á Brekastíg 18, Vestmannaeyjum 1930. Húsfreyja í Vestmannaeyjum og síðar í Kópavogi.
Foreldrar hennar voru Sveinbjörn Ágúst Benónýsson, múrari og skáld, f. 8. ágúst 1892, d. 31. maí 1965, og Hindrika Júlía Helgadóttir, húsmóðir, f. 2. júlí 1894, d. 27. febrúar 1968.-

Börn;
1) Rósa Friðriksdóttir 15.12.1957. Hjúkrunarfræðingur. dóttir hennar er Guðrún María Pálsdóttir, f. 1. júní 1990.
2) Ríkharður Helgi Friðriksson, tónlistarmaður, f. 5. nóvember 1960, unnusta Eygló Harðardóttir myndlistarmaður, f. 24. apríl 1964. Börn hans af fyrra sambandi við Svanhildi Bogadóttur, borgarskjalavörð, f. 27. nóvember 1962, eru Jóhanna Vigdís, f. 8. ágúst 1991, og Kristín Helga, f. 14. mars 1993, báðar menntaskólanemar.

IS-HAH

Að venju eru upplýsingar frá Íslendingabók notaðar, ef þær stangast á við aðrar upplýsingar er þeim bætt við innan hornklofa [ ], ekki er tekin afstaða til mismunandi upplýsinga.

Loka

Fullt

GPJ skráning 7.10.2023

• íslenska

®GPJ ættfræði 7.10.2023
Íslendingabók
mbl 14.8.2009. https://www.mbl.is/greinasafn/grein/1295703/?item_num=2&searchid=f76acb4af9b6157b8fd7ba1a7e91cc150cf6bcb2&t=271925822&_t=1696656438.7552474