Einstaklingur

Freyja Eiríksdóttir (1915-2000) Dvergsstöðum, Eyjafirði

• Helga Freyja Eiríksdóttir (1915-2000) Dvergsstöðum, Eyjafirði

27.8.1915 - 23.1.2000

Freyja Eiríksdóttir fæddist á Dvergsstöðum í Eyjafirði 27. ágúst 1915. Eftir fráfall foreldra sinna fór Freyja í kaupavinnu. Var á Dvergstöðum, Grundarsókn, Eyj. 1930. Húsfreyja og verkakona á Akureyri. Síðast bús. þar
Hún lést á Fjórðungssjúkrahúsinu á Akureyri 23. janúar 2000. Útför Freyju fór fram frá Akureyrarkirkju mánudaginn 31. janúar 2000 og hófst athöfnin klukkan 13.30.

Hún stundaði nám við Laugaskóla í tvo vetur, frá 1932-1934, og lauk gagnfræðaprófi frá Menntaskólanum á Akureyri.

Hún vann þá á Landssímanum á Akureyri um nokkurra ára skeið og síðar, auk húsmóðurstarfa, sem gangastúlka á Sjúkrahúsinu á Akureyri. Síðustu fimmtán ár starfsævinnar vann Freyja við fiskvinnslu hjá Útgerðarfélagi Akureyringa.

Á þeim árum tók hún virkan þátt í starfi Verkalýðsfélagsins Einingar og sat í samninganefndum. Hún var kjörin heiðursfélagi árið 1989.

Foreldrar hennar voru Eiríkur Helgason bóndi frá Botni í Eyjafirði, f. 6.3. 1880, d. 15.10. 1930, og Sigríður Ágústína Árnadóttir frá Hvammkoti í Arnarneshreppi, f. 10.8.1883, d. 15.2.1929.

Systkini Freyju eru;
1) Baldur, f. 23.12. 1910, d. 16.11. 1994, hann var skrifstofumaður á Akureyri;
2) Hreiðar, f. 7.4. 1913, d. 25.11. 1995, hann var garðyrkjubóndi í Laugarbrekku og síðar Grísará;
3) Ása, f. 10.1. 1918, hún var húsmóðir á Akureyri en dvelur nú á Hjúkrunarheimilinu Seli,
4) Sigríður Margrét, f. 11.2. 1929, hún er húsmóðir á Akureyri.
Systkinin Helga og Anton Helgi létust bæði á fyrsta aldursári.

Freyja giftist 27.8. 1941 Garðari Guðjónssyni, leigubílstjóra á Akureyri, f. 7.4. 1912, d. 15.12. 1995. Foreldrar hans voru Aðalheiður Jónsdóttir og Guðjón Benjamínsson bóndi á Björk í Eyjafirði.
Börn Freyju og Garðars eru:
1) Viðar Garðarsson, f. 24.10. 1939, er búsettur á Akureyri. Hann er kvæntur Sonju Garðarsson og eiga þau fimm börn, Jón Garðar, Viðar Frey, Signe, Bryndísi og Margréti Sonju, og fimm barnabörn.
2) Ása Bryndís Garðarsdóttir f. 28.4. 1949, er búsett í Mosfellsbæ. Hún er gift Árna Inga Garðarssyni og eiga þau tvö börn, Garðar Ágúst og Emmu, og eitt barnabarn.

IS HAH

Loka

Fullt

GPJ skráning 3.1.2022

• íslenska

®GPJ ættfræði 3.1.2022
Íslendingabók
Mbl 30.1.2000; https://www.mbl.is/greinasafn/grein/516165/?item_num=0&searchid=890be3fc1ba19d6591d273ae2618b501cea0455e