Einstaklingur

Elsa Eiríksson Schepler Guðjónsson (1924-2010)

• Elsa Ída Schepler Eiríksson (1924-2010)

21.3.1924 - 28.11.2010

Dr. phil. h.c. Elsa E. Guðjónsson, MA, fyrrv. deildarstjóri textíl- og búningafræðideildar Þjóðminjasafns Íslands, fædd Elsa Ída Schepler Eiríksson 21. mars 1924. Hún andaðist 28. nóvember 2010.
Foreldrar: Elly Margrethe Eiríksson, f. Schepler, f. 1896 í Kaupmannahöfn, og Halldór Guðmundur Marías Eiríksson, stórkaupmaður og framkvæmdastjóri, f. 1889 á Hrauni á Ingjaldssandi, Önundarfirði, d. 1948.

Maki: Þór Guðjónsson, fiskifræðingur og fyrrv. veiðimálastjóri, f. 1917. Börn: Stefán Þór áfengisráðgjafi, f. 1946, Elsa Margrét, fatahönnuður, leikmyndateiknari og listmálari, f. 1949, og Kári Halldór, leikstjóri og leiklistarkennari, f. 1950.

Eftir stúdentspróf frá Menntaskólanum í Reykjavík 1942 fór Elsa vestur um haf og lauk BA-prófi í textíl- og búningafræðum, list- og listasögu frá University of Washington, Seattle, árið 1945. Meistaraprófsgráðu í sömu greinum, auk miðaldasögu frá sama skóla árið 1961. Elsa nam Íslandssögu við Háskóla Íslands 1953-1956. Hún starfaði sem sérfræðingur og safnvörður í Þjóðminjasafni Íslands frá 1963 en fastráðin 1968 og deildarstjóri textíl- og búningadeildar safnsins 1985 til starfsloka 1994. Elsa átti sæti í fjölmörgum nefndum og ráðum varðandi málefni tengd textílum og búningasögu og vann mikið starf varðandi kynningu á þeim málum, jafnt hérlendis sem erlendis. Elsa var höfundur bóka og fjölmargra greina, ritgerða og bókarkafla, einkum um textíl- og búningasögu í íslenskum sem og erlendum tímaritum, fræði- og alfræðiritum, allt frá 1945. Höfundur útvarps- og sjónvarpsþátta. Fyrirlesari á ráðstefnum og þingum um textíl- og búningafræði, myndfræði og heimilis- og listiðnað innanlands og utan. Elsu hlotnuðust fjölmargar viðurkenningar fyrir störf sín og hlaut riddarakross hinnar íslensku fálkaorðu árið 1981. Kjörin félagi í Vísindafélagi Íslendinga 1985. Hlaut verðlaun frá Kungliga Gustav Adolfs Akademien í Uppsölum í Svíþjóð 1987 og heiðursdoktorsnafnbót við Háskóla Íslands árið 2000. Elsa var einnig útgefandi og má þar nefna lítið kver sem ber heitið Jólasveinarnir þrettán sem hún orti um á dönsku, íslensku og ensku og síðast en ekki síst með saumnál.
Útför Elsu fer fram frá Langholtskirkju í dag, 7. desember 2010, og hefst athöfnin kl. 13.

Kaupmannahöfn: Washington: Reykjavík.

Dr. phil. h.c.

deildarstjóri textíl- og búningadeildar Þjóðminjasafnsins 1985 til starfsloka 1994

IS HAH

Loka

Fullt

GPJ 17.5.2017

• íslenska

http://www.mbl.is/greinasafn/minningaleit/