Einstaklingur

Björn Marinó Dúason (1916-2009)

20.7.1916 - 14.12.2009

Björn Marinó Dúason fæddist á Ólafsfirði 20. júlí 1916. Foreldrar Björns fluttust til Siglufjarðar þegar hann var á öðru ári og þar ólst hann upp.
Hann lést á dvalarheimilinu Hornbrekku í Ólafsfirði 14. desember 2009.
Útför Björns fer fram frá Ólafsfjarðarkirkju í dag, föstudaginn 18. desember 2009, og hefst athöfnin kl. 13.30.

Siglufjörður. Ólafsfjörður. Haganesvík í Fljótum.

Björn stundaði á unglingsárum nám í kvöldskóla Siglufjarðar en fór síðan til náms við Verslunarskóla Íslands og lauk þaðan prófum 1936.

Hann vann við skrifstofustörf hjá Síldarútvegsnefnd og hjá Síldarverksmiðjum ríkisins á Siglufirði 1936–1937, var kaupfélagsstjóri hjá Samvinnufélagi Fljótamanna í Haganesvík 1937–1941, deildarstjóri hjá Kaupfélagi Siglfirðinga 1942–1944. Á árunum 1945–1954 var hann skrifstofustjóri og framkvæmdastjóri hjá Friðrik Guðjónssyni útgerðarmanni og Hraðfrystihúsinu Hrímni hf. á Siglufirði og rak einnig um árabil umboðs- og heildverslun á Siglufirði. 1955–1958 var hann skrifstofustjóri hjá Hraðfrystihúsi Keflavíkur hf., sveitarstjóri Miðneshrepps í Sandgerði var hann 1958–1962, við skrifstofustörf í Keflavík og Reykjavík 1963–1967 og við bókhald hjá Hraðfrystihúsi Ólafsfjarðar hf. 1968–1989.
Björn var alla tíð mikill félagsmálamaður, söng með karlakórnum Vísi á Siglufirði og starfaði með Leikfélagi Siglufjarðar sem leikari og leikstjóri. Síðar starfaði hann með Leikfélagi Ólafsfjarðar, taflfélagi Ólafsfjarðar og var einn af stofnendum félags eldri borgara í Ólafsfirði. Meðhjálpari var Björn í Ólafsfjarðarkirkju í 24 ár.

Björn gaf út bókina Síldarævintýrið á Siglufirði sem hefur að geyma minningar hans og samantekt frásagna frá fjórða, fimmta og sjötta áratug síðustu aldar þegar Siglufjörður var mesta síldarverstöð landsins.
Björn gaf einnig út bækurnar Heims um ból um jólasálminn alkunna og Hagyrðingur af Höfðaströnd. Björn skrifaði blaðagreinar og flutti fjölda útvarpserinda um áhugamál sín sem tengdust þjóðlegum fróðleik.

Foreldrar hans voru Dúi Kristinn Stefánsson organisti og verkstjóri, f. 19.8. 1890, d. 9.7. 1931, og Steinunn Björnsdóttir Schram fátækrafulltrúi, f. 25.8. 1888, d. 11.10. 1974. Björn var þríkvæntur.
K. 1 var Ólöf Margrét Bjarnadóttir, f. 17.9. 1918, d. 12.10. 1977. Eyrarbakka. Þau skildu. Foreldrar hennar voru (kjörfaðir) Bjarni Hermann Guðmundur Pálmason 10. 9 1887 - 27.4.1957, skipstjóri, og Salóme Jónsdóttir f. 29.12.1885 - 26.8.1970.
Dætur Björns og Ólafar Margrétar eru:
1) Steinunn Dúa, f. 14.4. 1938, d. 18.9. 1996. Leiðsögumaður á Spáni. Síðast bús. í Reykjavík. M1 Bragi Einarsson f. 19.8. 1929 - 17.7.2006 í Eden, þau skildu. M3: Juan Roig.
2) Salóme Herdís, f. 15.6. 1939,
3) Gunnhildur Birna, f. 12.7. 1940.
0) Ólöf Margrét átti einnig dótturina Eddu Bragadóttur, f. 21.3. 1943 - 26.12.2010, Hjúkrunarfræðingur Reykjavík. Faðir hennar var Bragi Ólafsson f. 18.11.1903 - 19.12.1983, læknir Eyrarbakka og aðstoðar borgarlæknir Reykjavík.
K. 2 var Olga Þórarinsdóttir, f. 11.1. 1924, d. 30.7. 1967 hjúkrunarkona. Foreldrar hennar voru Þórarinn Kristjánsson f. 26.10.1906 - 13.8.1988 símritari og Kristín Sigtryggsdóttir húsfreyja. Fósturfor: Páll Kristjánsson og Þóra Guðnadóttir.
Björn og Olga voru barnlaus en ólu upp
0) Ólafíu Margréti Karlsdóttur, f. 10.1. 1956, dóttur Steinunnar Dúu og Karls Guðmundar Karlsson f. 17.8.1937.
K. 3 Kristín Sigurðardóttir, f. 9.5. 1922, d. 21.10. 2001. Foreldrar Kristínar voru Sigurður Jónsson verslunarmaður, f. 16.11. 1891, d. 23.7. 1963, og Sigríður Vilhjálmsdóttir húsfreyja, f. 19.11. 1891, d. 11.11. 1965.
Börn Björns og Kristínar eru:
4) Helga, f. 4.11. 1948,
5) Sigurður, f. 20.1. 1950.
Kristín átti einnig dótturina
0) Sigríði Vilhjálms, f. 9.9. 1943.

Guðrún Sveinsdóttir (1890-1978) kennari Sauðárkróki (30.5.1890 - 23.10.1978)

Guðrún Friðriksdóttir (1841-1920) Njálsstöðum (9.8.1841 - 17.3.1920)

HAH01142

IS HAH

Loka

Fullt

GPJ 13.5.2017

http://www.mbl.is/greinasafn/minningaleit/