Einstaklingur

Bjarni Vilmundarson (1928-2016) Mófellsstöðum Skorradal

26.8.1928 - 1.8.2016

Bjarni Vilmundarson 26.8.1928 - 1.8.2016. Var á Mófellsstöðum, Fitjasókn, Borg. 1930. Bóndi á Mófellsstöðum í Skorradalshreppi. Gegndi ýmsum trúnaðarstörfum. Bjarni var ókvæntur og barnlaus.
Bjarni Vilmundarson fæddist á Mófellsstöðum 26. ágúst 1928.

Hann lést á Sjúkrahúsinu á Akranesi 1. ágúst 2016.
Útför hans fór fram frá Reykholtskirkju, 12. ágúst 2016, klukkan 14.

Bjarni stundaði nám í sinni sveit og síðar á Reykjum í Hrútafirði.

Bjarni var bóndi á Mófellsstöðum, fyrst með móður sinni og síðar með systkinum. Hann sinnti ýmsum trúnaðarstörfum.

Hann átti sæti í hreppsnefnd Skorradalshrepps í röska fjóra áratugi og var formaður Ungmennafélagsins Íslendings um árabil. Hann stýrði sóknarnefnd Hvanneyrarkirkju í áratugi og söng jafnframt í kirkjukórnum. Bjarni var minnugur, ættfróður og vel lesinn. Hann var virkur félagi í Lions og félagi í Karlakórnum Söngbræður frá stofnun hans og allt þar til hann varð að hætta söngstarfinu vegna heilsubrests. Hann var einn af stofnendum Félags aldraðra í Borgarfjarðardölum og studdi á sínu félagssvæði örnefnasöfnun fyrir það félag.

Foreldrar hans; Vilmundur Jónsson 18. júní 1884 - 20. maí 1959. Bóndi á Mófellstöðum í Skorradal, Borg. og kona hans; Guðfinna Sigurðardóttir 30.5.1894 - 30.6.1984. Var í Húsanesi, Búðasókn, Snæf. 1901. Húsfreyja á Mófellsstöðum, Fitjasókn, Borg. 1930. Var í Gerðum, Gerðahr., Gull. 1920. Síðast bús. í Skorradalshreppi.

Systkini hans;
1) Sigurjón Vilmundarson f. 19. júní 1925, d. 23. mars 1948. Vélsmiður á Mófellsstöðum, Skorradal.
2) Margrét Vilmundardóttir f. 12. nóvember 1926, d. 30. nóvember 2013. Var á Mófellsstöðum, Fitjasókn, Borg. 1930.
3) Þórður Mófells Vilmundarson f. 22. september 1931, d. 31. júlí 2013. Bóndi og smíðakennari á Mófellsstöðum í Skorradalshreppi.

IS HAH

Loka

Fullt

GPJ 6.3.2021

• íslenska

®GPJ ættfræði 6.3.2021 https://www.mbl.is/greinasafn/grein/1605976/?item_num=1&searchid=38fd86fc9c72d57847da481f1de55d1e34e16ff6