Einstaklingur

Arndís Pálsdóttir (1929-2007) Barkarstöðum

• Arndís Pálsdóttir (1929-2007) Barkarstöðum

28.1.1929 - 10.5.2007

Arndís Pálsdóttir fæddist á Sveðjustöðum í Vestur-Húnavatnssýslu 28. janúar 1929. Hún lést á Heilbrigðisstofnuninni á Hvammstanga 10. maí síðastliðinn. Útför Arndísar verður gerð frá Melstaðarkirkju í dag og hefst athöfnin klukkan 14.

Barkarstaðir í Miðfirði V-Hún húsfreyja þar 1951.

Hún var við nám í Héraðsskólanum á Reykjum í Hrútafirði 1945-1946. Stundaði hún nám við Húsmæðraskólann á Blönduósi veturinn 1950-1951. Vorið eftir flutti hún að Barkarstöðum í Miðfirði og hóf þar búskap með Ragnari eiginmanni sínum. Byggðu þau upp og ráku þar myndarbú í áratugi og átti fjölskyldan og heimilið allan hennar hug og hjarta. Gott var þau heim að sækja og voru þau gestrisin og vinamörg

Vann síðan við Reykjaskóla í eldhúsi og við þjónustustörf næstu 3 vetur til 1950. Með bústörfunum var hún einnig starfsmaður Veðurstofu Íslands í allmörg ár frá 1970. Hún var virkur félagi í kvenfélagi sveitarinnar árum saman og var heiðursfélagi þar síðustu árin. Arndís ólst upp í foreldrahúsum og stundaði þar öll venjuleg störf, sem fylgja sveitabúskap.

Foreldrar hennar voru hjónin Vinbjörg Ásta Jóhannsdóttir, f. 17. ágúst 1893, d. 10. janúar 1980, frá Kárastöðum á Vatnsnesi og Páll Theódórsson, f. 17. nóvember 1882, d. 20. desember 1939, frá Borðeyri.
Systkini hennar voru
1) Friðrik Theódór Pálsson f. 10. nóvember 1926 - 26. ágúst 2016, Sveðjustöðum, Ytri-Torfustaðahr., V-Hún. 1957. Bóndi á Sveðjustöðum í Ytri-Torfustaðahreppi og starfaði jafnframt sem skólabílstjóri og veiðivörður. Síðar bús. á Hvammstanga. Gegndi ýmsum félagsstörfum.
2) Jóhanna Dagmar Pálsdóttir f. 27. apríl 1930 - 4. október 2013, Sveðjustöðum, Melstaðarsókn, V-Hún. 1930. Var í Vinaminni, Ytri-Torfustaðahr., V-Hún. 1957. Húsfreyja í Brúarholti, síðar bús. í Keflavík.
3) Lára Guðlaug Pálsdóttir f. 31. ágúst 1933 - 31. ágúst 1993, Sveðjustöðum, Ytri-Torfustaðahr., V-Hún. 1957. Síðast bús. í Hvammstangahreppi. 4) Finnbogi f. 24. júní 1937.
Hinn 28. júlí 1951 giftist Arndís Ragnari Sigurði Bergmann Benediktssyni f. 7. apríl 1924 - 28. nóvember 2015, Barkarstöðum, Efri-Núpssókn, V-Hún. 1930. Var á Barkastöðum, Fremri-Torfastaðahr., V-Hún. 1957. Bóndi og búfræðingur á Barkarstöðum í Fremri-Torfustaðahreppi. Oddviti og hreppstjóri í Fremri-Torfustaðahreppi um árabil. Gegndi ýmsum trúnaðarstörfum. Foreldrar hans voru hjónin Jenný Karólína Sigfúsdóttir, f. 27. júní 1885, d. 18. ágúst 1983, frá Rófu í Miðfirði (nú Uppsölum) og Benedikt Björnsson, f. 22. febrúar 1885, d. 13. maí 1967, frá Barkarstöðum í Miðfirði.
Arndís og Ragnar eignuðust sjö börn. Þau eru:
1) Karl Georg byggingatæknifræðingur f. 14. mars 1952, kvæntur Maríu Rós Jónsdóttur veitingamanni, f. 22. febrúar 1971, þau eiga tvö börn, frá fyrra hjónabandi á hann tvær dætur og tvö barnabörn, móðir þeirra er Guðmunda Björk Óskarsdóttir, f. 21. nóvember 1954,
2) Ásta Pálína tryggingafulltrúi, f. 3. júní 1953, gift Magnúsi Sverrissyni kjötiðnaðarmanni, f. 9. desember 1954, þau eiga þrjá syni og tvö barnabörn,
3) Jenný Karólína blómaskreytir, f. 29. desember 1954, gift Hilmari Sverrissyni tónlistarmanni, f. 28. nóvember 1956, þau eiga þrjú börn,
4) Margrét Halla verslunarmaður, f. 16. ágúst 1956, gift Jóni Gunnarssyni alþingismanni, f. 21. september 1956, þau eiga þrjú börn og tvö barnabörn,
5) Benedikt innkaupastjóri, f. 10. júní 1962, kvæntur Jóhönnu Helgu Þorsteinsdóttur hjúkrunarfræðingi, f. 9. nóvember 1962, þau eiga þrjá syni,
6) Björn rafmagnsverkfræðingur, f. 3. apríl 1966, d. 23. febrúar 2003, kvæntur Álfheiði Hannesdóttur Árdal launafulltrúa, f. 19. júní 1966, þau eiga þrjú börn, og
7) Helga Berglind dýralæknir, f. 8. janúar 1973, gift Sigmari Benediktssyni matreiðslumanni, f. 1. desember 1971, þau eiga tvö börn.

Kvennaskólinn á Blönduósi 1951-1960 (1951 - 1960)

Sveðjustaðir Torfustaðahreppi V-Hvs.

Jóhanna Dagmar Pálsdóttir (1930-2013) Sveðjustöðum (27.4.1930 - 4.10.2013)

Guðmundur Georg Albertsson (1900-1989) Syðri-Kárastaðir á Vatnsnesi: (22.12.1900 - 21.3.1989)

Elín Theódórs Theódórsdóttir (1886-1935) Kaupfélagshúsinu Blönduósi (24.8.1886 - 7.11.1935)

Barkarstaðir í Miðfirði

HAH01043

IS HAH

Loka

Fullt

GPJ 12.5.2017

®GPJ ættfræði https://www.mbl.is/greinasafn/grein/1146146/?item_num=0&searchid=41f83dd9e9812b80ca9f5c84c75924323b8e0364