Person

Aðalheiður Eggertsdóttir (1906-1988) frá Ytri-Völlum á Vatnsnesi

• Helga Aðalheiður Eggertsdóttir (1906-1988)

17.12.1906 - 20.2.1988

Helga Aðalheiður hét hún en fyrra nafnið hennar var aldrei notað. Hún fæddist að Ytri-Völlum í Kirkjuhvammshreppi í VesturHúnavatnssýslu 17. desember 1906.
Aðalheiður fór ung að heiman, fyrst í vist en vann síðan á spítalanum á Hvammstanga. Mun hún hafa haft hug á að læra hjúkrun en af því varð þó ekki. Veturinn 19271928 stundaði hún nám við Kvennaskólann á Blönduósi og talaði hún oft um hversu ánægjulegur sá vetur hefði verið. Eftir það fluttist hún til Reykjavíkur og átti þar heimili upp frá því. Aðalheiður var í nokkur ár starfandi á heimili Thors Jensens. Þetta voru góð ár hjá góðu fólki sem hún minntist alltaf með hlýju og virðingu. Þarna kynntist hún líka mannsefninu sínu, Jóni Bjarnasyni.
Jón og Aðalheiður voru samhent hjón. Á milli þeirra ríkti gagnkvæm ást og virðing og allt þeirra starf og lífsganga einkenndist af heiðarleika, reglusemi og dugnaði. Eftir lát Jóns héldu þau heimili saman, Aðalheiður og yngsti sonur hennar, Jón Daníel.

Ytri-Vellir Kirkjuhvammshreppur V-Hún.: Hvammstangi: Kvsk á Blönduósi 1927-1928: Reykjavík

Foreldrar hennar voru hjónin Eggert Elíeser Elíeserson, bóndi á Ytri-Völlum, ættaður frá Lækjarkoti í Víðidal og Guðrún Grímsdóttir frá Syðri-Völlum í Kirkjuhvammshreppi.
Börn þeirra voru fimm: Laufey Klara f. 1902, Kristinn f. 1903, Lárus f. 1905, Aðalheiður f. 1906 og Fanný f. 1909. Af systkinahópnum eru nú aðeins Klara og Fanný á lífi og búa báðar í Reykjavík. Eggert Elíeserson andaðist 8. apríl 1915, aðeins 46 ára að aldri. Guðrún stóð þá ein uppi með 5 börn á aldrinum 6 til 13 ára. Árið 1916 giftist hún Gunnari Kristóferssyni, bónda í Valdarási og seinna kaupmanni á Hvammstanga. Þau Gunnar og Guðrún eignuðust eina dóttur, Þuríði Ingibjörgu f. 1917. Hún er látin fyrir fáum árum.
Í Reykjavík kynntist hún mannsefni sínu, Jóni Bjarnasyni. Foreldrar hans voru hjónin Bjarni Jónsson, bóndi og smiður, sem bjó bæði á Álfsnesi og Víðinesi, ættaður austan af héraði og Diljá Ólafsdóttir frá Hofi á Kjalarnesi. Jón var bifvélavirki og starfaði við iðn sína á meðan heilsa hans leyfði. Hann andaðist 17. apríl 1973 eftir langvarandi veikindi. Aðalheiður annaðist mann sinn af mikilli umhyggju í veikindum hans. Börn Jóns og Aðalheiðar eru:
1) Bjarni f. 1934,
2) Birgir f. 1935,
3) Eggert f. 1939,
4) Rúnar Kristinn f. 1940,
5) Nýfæddur (1940-1940)
6) Jón Daníel f. 1942,
7) Aðalheiður f. 1944 og
8) Guðrún f. 1946.
Einn son misstu þau nýfæddan, hann var tvíburi á móti Rúnari.

Kvennaskólinn á Blönduósi 1921-1930 (1921 - 1930)

Vellir á Vatnsnesi, Ytri og Syðri ((1000))

Eggert Elíesersson (1869-1915) Ytri-Völlum á Vatnsnesi (9.11.1869 - 13.11.1869)

Laufey Eggertsdóttir (1902-1991) frá Sauðadalsá (2.3.1913 - 28.12.1991)

Kristinn Eggertsson (1903-1977) Sjómaður í Bandaríkjunum (25.6.1903 - 18.6.1977)

HAH01399

IS HAH

Final

Full

GPJ 19.6.2017

• Icelandic

®GPJ ættfræði
mbl 1.3.1988. https://www.mbl.is/greinasafn/grein/11587/?item_num=0&searchid=764fec5c9b7224c767e7ee183d63db0bfa0a6aeb