Person

Sverrir Markússon (1923-2009) héraðsdýralæknir Blönduósi

• Sverrir Sigurður Markússon (1923-2009) héraðsdýralæknir

16.8.1923 - 28.11.2009

Sverrir Sigurður Markússon héraðsdýralæknir fæddist í Ólafsdal 16. ágúst 1923. Hann lést á Landspítalanum 28. nóvember 2009. Útför Sverris var gerð í kyrrþey frá Kópavogskirkju 10. desember 2009.

Ólafsdalur: Akureyri: Hreppshúsið á Blönduósi 1957:

Sverrir varð stúdent frá Menntaskólanum á Akureyri 1944 og lauk prófi í dýralækningum í Stokkhólmi 1956.

Hann var settur dýralæknir á Akureyri 1952-54, skipaður héraðsdýralæknir á Blönduósi 1956-73, en síðan í Borgarnesi 1973-93. Eftir embættislok sinnti Sverrir í nokkur ár heilbrigðiseftirliti í sláturhúsum víða um land.

Þegar Sverrir varð 70 ára gamall, voru þessar vísur fluttar í gamni og alvöru í dýrðlegri veislu, sem fjölskyldan hélt honum í Borgarnesi:
Sverrir Markússon 70 ára 16. ágúst 1993.

Sverrir meður hýrri há
hressir lýðinn allan,
þegar ylhýrt bros af brá
breiðist yfir skallann.

Er við lífið allt í sátt,
eldur býr í taugum.
Sindrar hárið silfurgrátt
og sólskinsbros í augum.

Enn er langt í lokadans
létt um gólf hann svífur.
Markússon í meyjafans
með sér alla hrífur.

Hjálparhraður, hreinlyndur,
hvergi staður talinn,
hýr og glaður, hófsamur,
heiðursmaður valinn.

Þegar sorg og sjúkdómar
sveigðu að Borgarfirði.
Sverris listalækningar
léttu þeirri byrði.

Foreldrar hans voru hjónin Markús Torfason, f. 6.10. 1887, d. 29.8. 1956, Ráðsmaður í Ólafsdal, Staðarhólssókn, Dal. 1930. Búfræðingur frá Ólafsdalsskóla. Bóndi í Ólafsdal og kaupfélagsstjóri Kaupfélags Saurbæinga. „Hafði söngstjórn á hendi um langt skeið“, segir í Dalamönnum og Sigríður Guðný Benedikta Brandsdóttir, f. 17.7. 1881, d. 8.12. 1949.
Bræður Sverris, sem upp komust, voru
1) Torfi, 30. ágúst 1913 - 26. mars 1975 Nemandi í Laugarvatnsskóla, Miðdalssókn, Árn. 1930. Bifreiðarstjóri á Húsavík. Síðast bús. í Reykjavík.
2) Ásgeir, f. 20.6. 1916, d. 23.3. 2009. Var í Ólafsdal, Staðarhólssókn, Dal. 1930.
Sverrir kvæntist 21. sept. 1954 Þórhöllu Davíðsdóttur, f. 18.3. 1929, var á Skólavörðustíg 5, Reykjavík 1930. Var í Hreppshúsinu, Blönduóshr., A-Hún. 1957. Foreldrar hennar voru Davíð Árnason, f. 6.8. 1892, d. 17.6. 1983. Rafvirki á Skólavörðustíg 5, Reykjavík 1930. Stöðvarstjóri RÚV á Eiðum og Akureyri og Þóra Steinadóttir, f. 5.8. 1902, d. 27.3. 1998. Kennari í Reykjavík. Húsfreyja á Skólavörðustíg 5, Reykjavík 1930.
Afkomendur Sverris og Þórhöllu eru
1) Davíð Aðalsteinn, f. 24.9. 1956; sonur hans og Guðrúnar Soffíu Karlsdóttur, f. 20.7. 1957, er Karl Kristján, f. 11.5. 1977, sonur hans og fyrrverandi sambýliskonu, Dagbjartar Ísfeld Guðmundsdóttur, f. 7.9. 1978, er Tristan, f. 6.1. 1998.
2) Sigríður María, f. 28.6. 1958, gift Þorvarði Hjalta Magnússyni, f. 10.9. 1957; dætur hennar og fyrri eiginmanns, Stefáns Þórs Ragnarssonar, f. 22.9. 1958, eru Ragnheiður Þórdís, f. 9.8. 1979, sonur hennar og fyrrverandi eiginmanns, Hafþórs Hafsteinssonar, f. 12.9. 1970, er Ingólfur Örn, f. 11.5. 2001, og Þórhalla Sigríður, f. 15.11. 1984, eiginmaður hennar er Þröstur Friðbert Gíslason, f. 24.8. 1972; dætur Sigríðar Maríu og Hjalta eru Hólmfríður Ásta, f. 20.6. 1997, og Þóra María, f. 10.5. 1999.
3) Sverrir Þórarinn, f. 14.5. 1959, kvæntur Maríu Pálmadóttur, f. 16.9. 1960; börn þeirra eru Pálmi Gautur, f. 24.4. 1980, sonur hans og Ásu Lindar Finnbogadóttur, f. 6.2. 1972, Áskell Einar, f. 26.5. 2006, og Ólöf Þóra, f. 24.11. 1985, sambýlismaður hennar er Sverrir Einarsson, f. 7.11. 1978, sonur hennar Markús Máni, f. 3.8. 2002.
4) Torfi Ólafur, f. 15.4. 1961, kvæntur Ingu Björgu Sverrisdóttur, f. 29.12. 1961; börn þeirra eru Þóra Sigríður, f. 5.5. 1983, sambýlismaður Guðmundur Emilsson, f. 3.11. 1978, dóttir þeirra Sædís Heba, f. 20.1. 2009, Ellen Björg, f. 10.2. 1991, og Sverrir Ólafur, f. 6.12. 1996.

Honum var einkum hugleikin ferðin, sem þau átta skólasystkinin fóru fótgangandi frá Akureyri heim í átthagana á Vesturlandi og Vestfjörðum vorið 1940. Fyrir um 10 árum skrifaði Sverrir ítarlega sögu um ferðina. Er sú ferðasaga mjög þess virði að geymast og birtast á prenti. Sagan er vel skrifuð og lýsir ágætlega samgöngum á Íslandi, híbýlum fólks í sveitum landsins og gistimöguleikum á árinu 1940. Ferðin var farin rúmri viku eftir að breski herinn kom til landsins, og brátt átti allt eftir að breytast. Þá lýsir sagan áræðni og dugnaði unglinganna, sem lögðu fótgangandi upp í svo langa ferð heim til átthaganna.

IS HAH

Final

Full

GPJ 2.8.2017

• Icelandic

®GPJ ættfræði https://www.mbl.is/greinasafn/grein/1314419/?item_num=2&searchid=1fbc225e35fe83849a21f3dd467eb34fe359aec9