Person

Stefán Sigurðsson (1907-2000) Steiná

• Stefán Þórarinn Sigurðsson (1907-2000) Steiná
• Stefán Þórarinn Sigurðsson Steiná

25.9.1907 - 19.5.2000

Stefán Þórarinn Sigurðsson bóndi fæddist á Steiná í Svartárdal, Austur-Húnavatnssýslu 25. september 1907. Stefán átti alla sína ævi heima á Steiná. Hann bjó fyrstu búskaparárin eða frá 1929 á móti föður sínum þar til hann lét af búskap. Stefán sá um hirðingu á búfénaði sínum í félagi við bróður sinn Jakob síðustu árin eða til 1991 en þá naut Jakobs ekki lengur við og eftir það var Stefán ekki nema einn vetur við hirðingu en þá var hann 85 ára. Útför Stefáns fer fram frá Bergsstaðakirkju í Svartárdal í dag og hefst athöfnin klukkan 14.00.

Steiná í Svartárdal, bóndi þar 1929:

Bóndi: Stefán var um skeið réttarstjóri í Stafnsrétt, hann fór í göngur og eftirleit á Eyvindarstaðaheiði um árabil.

Það kvöldar í dalnum, komið er sólarlag.
Kyrrð færist yfir, nóttin tekur völdin.
Lokið er vegferð og eftir vinnudag,
verklaunum skilað, innheimt ferjugjöldin.

Friður nú ríkir, fjarri er sjúkdómsstríð
fagnað er vini handan dauðamóðu.
Ástvinum, sem hafa unnast langa tíð
eilífð nú skýlir, í vorsins landi góðu.
(Guðbrandur Þorkell Guðbrandsson.)

Foreldrar hans voru Sigurður Jakobsson, bóndi á Hóli og Steiná, f. 16. júní 1859 á Eiríksstöðum í Bólstaðarhlíðarhreppi, A-Hún., d. 23. maí 1945 á Steiná, kona hans var Ingibjörg Hólmfríður Sigurðardóttir, f. 22. desember 1880 í Hringveri í Hjaltadal, d. 28. júní 1969 á Blönduósi.
Stefán gekk að eiga Ragnheiði Rósu Jónsdóttur 15. júlí 1934. Hún var fædd á Skottastöðum í Svartárdal 10. nóvember 1908, d. 31. mars 1997 á Blönduósi. Foreldrar hennar voru Jón Ólafsson, bóndi á Skottastöðum, og kona hans Una Sigríður Jónsdóttir.
Börn Stefáns og Ragnheiðar eru:
1) Jóna Anna, f. 13.3. 1935, gift Ólafi Blómkvist Jónssyni, f. 13.11. 1934 nú búsett í Hafnarfirði, börn þeirra eru: a) Óskar Eyvindur, f. 25.10. 1959, gröfumaður og bóndi á Steiná, kona hans er Herdís Jakobsdóttir, bóndi og húsmóðir, börn þeirra fimm eru; Jakob Ólafur, f. 1983, Jón Heiðar, f. 1986, Hafdís Bára, f. 1989, Óskar Eyvindur, f. 1995 og Jóhann Einar, f. 1999. b) Eydís, f. 13.10. 1960, augnskurðlæknir í Reykjavík, hennar dætur eru Anna Heiður, f. 1986, og Þorbjörg, f. 1990. c) Stefán Þórarinn, f. 14.7. 1964, héraðsdómslögmaður á Blönduósi, sambýliskona hans var Hafdís Elfa Ingimarsdóttir skrifstofumaður. Þeirra dóttir er Tinna Kristín, f. 1992, en fóstursonur Stefáns og sonur Hafdísar Elfu er Aron Elfar Jónsson, f. 1988. Kona Stefáns er Erla Ísafold Sigurðardóttir, d) Ragnheiður Rósa, f. 11.2. 1967, hjúkrunarfræðingur búsett í Svíþjóð. Sambýlismaður hennar er Claes Arne Jansson. Þeirra sonur er Ólafur Gustav, f. 1999.
2) Sigurbjörg Rannveig, f. 22.5. 1937, gift Sigurði Pálssyni, f. 20.11. 1940, þau eru búsett í Kópavogi, börn þeirra eru: a) Guðrún Margrét, f. 5.6. 1968, dýralæknir í Varmahlíð, Skagafirði. Sambýlismaður hennar er Vésteinn Þór Vésteinsson rafeindavirki. Þeirra börn eru Ragna Vigdís, f. 1997, og Vésteinn Karl, f. 1999. b) Una Aldís, f. 8.6. 1970, skrifstofumaður á Sauðárkróki hjá KPMG Endurskoðun hf., gift Stefáni Sigurbirni Guðmundssyni húsasmið á Sauðárkróki. Þeirra synir eru: Sigurður Páll, f. 1995, og Rúnar Ingi, f. 1999. c) Stefán Þórarinn, f. 18.4. 1972, hann er í doktorsnámi í lífefnafræði í San Antonio í Texas, unnusta hans er Guðbjörg Ludvigsdóttir læknir.
3) Sigurjón, f. 19.10. 1938, bóndi á Steiná III, kona hans er Katrín Grímsdóttir, bóndi og húsfreyja. Þeirra synir eru: a) Grímur, f. 1. 2. 1965, vélvirkjameistari og sölustjóri í Reykjavík, kona hans er Harpa Lind Guðbrandsdóttir. Þeirra börn eru: Berglind, f. 1995, og Arnar, f. 1997. b) Jakob, f. 27.3. 1969, búfræðingur og bóndi á Hóli í Svartárdal, kona hans er Sesselja Sturludóttir, bóndi og húsfreyja, börn þeirra eru; Jakob Skafti, f. 1993, og Rakel Ýr, f. 1995.

IS HAH

Final

Full

GPJ 29.7.2017

• Icelandic

http://www.mbl.is/greinasafn/minningaleit/