Person

Stefán Jóhann Stefánsson (1863-1921) skólameistari Akureyri og alþm

1.8.1863 - 20.1.1921

Stefán Jóhann Stefánsson 1. ágúst 1863 - 20. jan. 1921. Var á Heiði, Fagranessókn, Skag. 1870, fæddur þar. Skólapiltur í Latínuskólanum, Reykjavík 1880. Skólameistari og alþingismaður á Akureyri.
Alþingismaður Skagfirðinga 1900–1908, konungkjörinn alþingismaður 1908–1915 (Framfaraflokkurinn, Framsóknarflokkurinn eldri, Þjóðræðisflokkurinn, Sjálfstæðisflokkurinn eldri, utan flokka, Sambandsflokkurinn, Heimastjórnarflokkurinn).
Forseti efri deildar 1913–1915. 1. varaforseti efri deildar 1911–1912.

Stúdentspróf Lsk. 1884. Nám í náttúrufræði við Hafnarháskóla með grasafræði sem sérgrein, lauk ekki prófi.

Skólameistari og alþingismaður á Akureyri.
Kennari við Gagnfræðaskólann á Möðruvöllum, síðar á Akureyri 1887–1908, skólameistari frá 1908 til æviloka. Átti heima í Stórubrekku 1889–1891.
Bóndi á Möðruvöllum 1891–1910, en fluttist með skólanum til Akureyrar 1902.

Oddviti Arnarneshrepps um skeið. Í amtsráði 1894–1905, er amtsráðin voru lögð niður. Ferðaðist um landið til jurtarannsókna með styrk úr landssjóði flest sumur á árunum 1883–1900. Frumkvöðull að stofnun Náttúrufræðifélags Íslands 1889 og að stofnun Náttúrugripasafnsins. Átti sæti í millilandanefndinni 1907. Í bankaráði Íslandsbanka 1913–1919.

Samdi rit og greinar um grasafræði, skólamál og sjálfstæðismál Íslands.

Foreldrar hans; Stefán Stefánsson 13. ágúst 1828 - 10. maí 1910. Bóndi á Ríp í Hegranesi, Skag. 1855. Bóndi á Heiði í Gönguskörðum, Skag. og kona hans 1854; Guðrún Sigurðardóttir fædd 2. september 1831, dáin 20. febrúar 1903 húsmóðir.

Systkini hans
1) Sigurðar Stefánssonar 30. ágúst 1854 - 21. apríl 1924. Prestur, bóndi og alþingismaður í Vigur í Ísafjarðardjúpi. Prestur í Vigur frá 1881 til dauðadags. Þjónaði samhliða Unaðsdalssókn í Kirkjubólsþingum. Kona hans 6.6.1884; Þórunn Bjarnadóttir 15. júní 1855 - 22. maí 1936. Var á Vigri, Ögursókn, N-Ís. 1930. Húsfreyja í Vigur í Ísafjarðardjúpi. Barna barn þeirra er sr Árni Sigurðsson prestur á Blönduósi
2) Þorbjörg Stefánsdóttir 28. sept. 1855 - 18. maí 1903. Húsmóðir í Háagerði, Spákonufellssókn, Hún. 1880. Húsfreyja að Veðramóti í Gönguskörðum, Skag. 1890. Maður hennar 17.7.1877; Björn Jónsson 14. júní 1848 - 23. jan. 1924. Bóndi í Háagerði, Spákonufellssókn, Hún. 1880. Bóndi, hreppstjóri og dannebrogsmaður á Veðramóti í Gönguskörðum, Skag. Hreppstjóri þar, 1890.
3) Sigurbjörg Stefánsdóttir 15. mars 1862 - 8. apríl 1941. Húsfreyja í Sandvíkurseli, Skorrastaðarsókn og á Kirkjubóli í Vöðlavík, S-Múl. Var í Neskaupstað 1930. Maður hennar 1885; Magnús Marteinsson 18. nóv. 1848 - 28. mars 1912. Útvegsbóndi og hagleiksmaður í Sandvíkurseli. Sagður Magnússon í ÍÆ.

IS HAH

Final

Full

GPJ 20.3.2020

• Icelandic

®GPJ ættfræði https://www.althingi.is/altext/cv/is/?nfaerslunr=546