Einstaklingur

Sólveig Ólafsdóttir (1904-1997) frá Strandseljum, Ísafj.s

• Sólveig Sigríður Ólafsdóttir (1904-1997) frá Strandseljum, Ísafj.s.

24.febrúar 1904 - 11. maí 1997

Sólveig Ólafsdóttir fæddist á Strandseljum, Ögurhreppi í N-Ísafjarðarsýslu 24.2. 1904. Hún lést í Reykjavík 11. maí siðastliðinn (1997).

Vinnukona á Kirkjutorgi 6, Reykjavík 1930. Húsfreyja. Síðast bús. í Reykjavík.

Strandsel; Núpsskóli; Kvennaskólinn á Blönduósi; Ísafjörður; Selárdalur við Arnarfjörð; Reykjavík.

Sólveig sótti menntun sína í Núpsskóla séra Sigtryggs Guðlaugssonar og síðar í Kvennaskólann á Blönduósi.
Sólveig var manni sinum stoð og stytta við umfangsmikil þjóðmálastörf hans. Sjálf tók hún virkan þátt í ýmsum félagsmálastörfum, starfaði m.a. með kvenfélaginu Ósk á Isafirði og sat þing Kvenréttindafélags Íslands á þess vegum; um nokkurra ára skeið var hún formaður Kvenfélags Alþýðuflokksins á ísafirði. Hún var í framboði fyrir Alþýðubandalagið í Norður-Ísafjarðarsýslu 1956. Annars var líf hennar helgað uppeldi og umhyggju fyrir börnum sínum og afkomendum.

Foreldrar hennar voru:
Ólafur Þórðarson útvegsbóndi á Strandseljum við Ísafjarðardjúp og kona hans Guðríður Hafliðadóttir, sem bjuggu á Strandseljum frá 1898 til dauðadags Ólafs 1933. Guðríður hélt áfram búskap á Strandseljum með Árna syni sínum til vorsins 1944.

Systkin Sólveigar:
1) Guðrún bóndakona í Unaðsdal.
2) Hafliði bóndi á Garðsstöðum og síðar í Ögri,
3) Þórður útvegsbóndi í Odda og síðar verkamaður í Reykjavík
4) Árni bóndi á Strandseljum og síðan verkamaður í Reykjavík,
5) Kjartan starfsmaður ýmissa fyrirtækja á vegum samvinnuhreyfingarinnar,
6)Friðfinnur, viðskiptafræðingur og forstjóri Háskólabíós.

Árið 1934 stofnaði Sólveig til heimilis með manni sínum, Hannibal Valdimarssyni, f. 13.1. 1903, d. 1.9. 1991, síðar alþingismanni og forseta ASI. Þau bjuggu á ísafirði til 1952, en eftir það í Reykjavík. Einnig áttu þau heimili í Selárdal við Arnarfjörð 1965-77.
Börn þeirra eru

1) Arnór, kv. Nínu Sveinsdóttur. Þeirra börn eru Ari, Kjartan, Auðun, Hrafn og Þóra. Arnór og Nína eiga tvö barnabörn.

2) Ólafur. K. I. Anna G. Kristjánsdóttir, þeirra börn eru Hugi, Sólveig og Kristín. K. II. Guðrún Pétursdóttir, þeirra dætur eru Ásdís og Marta.

3) Elín. Börn hennar og Kjartans Júliussonar eru Sólveig, Hannibal, Sif og Harri. Elín á níu barnabörn.

4) Guðríður. Sonur hennar er Sigurður H. Magnússon og dóttirin Hulda Jakobsdóttir. Guðriður á þijú barnabörn.

5) Jón Baldvin, kv. Bryndísi Schram. Þeirra börn eru Aldís, Snæfriður, Glúmur og Kolfinna. Barnabörnin eru fimm.

IS HAH

Loka

Fullt

MÞ 17.12.2025

• íslenska

https://timarit.is/page/1879201?iabr=on#page/n39/mode/2up/search/%22S%C3%B3lveig%20%C3%93lafsd%C3%B3ttir%22
íslendingabók