Skarphéðinn Dalmann Eyþórsson (1921-1994) frá Syðra-Tungukot

Skarphéðinn Dalmann Eyþórsson fæddist 8. október 1921 í Syðra-Tungukoti (nú Brúarhlíð) í Blöndudal í Austur-Húnavatnssýslu. Hann lést hinn 24. júlí síðastliðinn á Landakotsspítala og fór útför hans fram frá Fossvogskirkju hinn 2. ágúst 1994. Þeir fáu sérleyfishafar, sem hafa stundað þá atvinnu síðustu þrjá til fjóra áratugi og enn eru starfandi, muna Skarphéðin Dalman Eyþórsson sem ungan og hraustan mann sem ávallt var tilbúinn að samgleðjast með glöðum og hryggjast með hryggum því hann var svo mannlegur í eðli sínu og vildi hvers mann vanda leysa. Það var því ekki óeðlilegt að han veldist gjarnan til forystu þar sem hann starfaði hverju sinni.

Syðra-Tungukot (nú Brúarhlíð) í Blöndudal:

Lengst af tengdist starf hans á einhvern hátt rútubílum ýmist sem ökumaður, bíleigandi eða framkvæmdastjóri, áður fyrr hjá Norðurleið og síðar hjá Hópferðarmiðstöðini, enn fremur fékkst hann um tíma við að sjá okkur fyrir hjólbörðum undir rúturnar. Það má því segja að hann hafi ávallt verið í þjónustuhlutverki og lifað sig inn í það hlutverk af lífi og sál.
Þá var Skarphéðinn félagi í Skálklúbbi Reykjavíkur, sem tengist alþjóðlegum félagsskap fólks er starfar í hinum ýmsu greinum ferðaþjónustu, og sat hann í stjórn klúbbsins um árabil.

Móðir hans var Hólmfríður Sigurbjörg Ágústsdóttir 1. nóvember 1896 - 4. september 1977. Var á Litlu-Borg, Vesturhópshólasókn, V-Hún. 1930. Heimili: Lækjamót. Var í Óslandi, Blönduóshr., A-Hún. 1957. Síðast bús. í Reykjavík. Faðir hans var Eyþór Jósep Guðmundsson 19. mars 1896 - 3. júní 1956, Bræðslubúð á Blönduósi. Vinnumaður á Auðkúlu, Svínavatnssókn, Hún. 1920. Bóndi. Nefndur Jósef Eyþór í Æ.A-Hún.

GPJ 25.7.2017

• Icelandic

®GPJ ættfræði 24.11.2022
Íslendingabók
mbl 30.7.1994; https://timarit.is/page/1811106?iabr=on